豪大大雞排 (已結業)

成日經過豪大大都排哂隊, 呢日平日下晝經過又無乜人, 咪又幫襯下囉. 一個人食大雞排又多得滯, 所以嗌左半份香香雞就夠, 要左辣, 基本上唔駛等就有得食. 唔..無食一段時間勒, 味道其實都係普普通通, 辣粉唔係咁均勻, 雖然啖啖雞, 但係炸粉都唔少, 所以未食完都已經感覺口乾乾, 所以都係建議兩個人share食大雞排好d, 起碼啖啖肉嘛. 不過, 始終懷念嚮台灣拎住塊大雞排坐嚮路邊食既感覺, 可惜嚮香港真係搵唔到呢種風味勒.