鯛魚湯專門店 (已結業)

lunch放一點，當時諗緊去點點心定係鯛魚湯烏冬，行過去時見到有位婆婆係度派鯛魚湯烏冬嘅$10 coupon，我地每人攞左一張就去幫襯lu😋~我地一共6個人食lunch，入到去唔洗等就有位。餐廳環境夠光猛又乾淨，服務周到，見到水杯水位得一半就即刻過黎加水👍🏻嘢食方面我叫左個吉列豬排烏冬，同事們叫左花膠魚肚烏冬、蒜香牛肉定食、炸雞定食同吉列蠔烏冬。我塊吉列豬排比較瘦，所以炸左之後個肉比較硬，不過因為我鍾意食瘦嘅肉所以覺得perfect👏🏻😆其他同事都覺得個鯛魚湯底正、炸物唔會膩、D花膠中間芯有少少甜味都幾特別、烏冬份量夠，食得飽。至於張$10 coupon 只限於叫套餐用，每個套餐只可以用一張，優惠到5月31日，大家快D黎試😋🍜🍱。我個吉列豬排烏冬原價$85，用coupon後埋單要$75，無加一服務費。補充吓D套餐包咩：跟飯嘅套餐包括麵豉湯、沙拉加日式芝麻醬同醃蘿蔔，炸物跟烏冬嘅套餐包括沙拉加日式芝麻醬，烏冬有木耳、娃娃菜同豆pok做配菜。