影片
更多
2012-02-02
14 瀏覽
近排開左好多間唔同的拉麵店，作為一個喜歡食拉麵的人，當然要每一間都試下。睇openrice之前的食評都唔少朋友覺得佢好食，今晚終於有時間來APM的麵屋武藏試下佢係咪咁正。我兩個人太約九點半到，我估因為星期一又係長假期後，無乜人，十分鐘到就有枱。店舖的裝修其實幾有心思，一d裝飾都係日本武士故事中會見到的武器，呢樣我覺得唔錯。不過坐位方面呢，就一貫香港食店啦…則係你同隔離枱的人兄係無秘密的，無論大家係咪相識。不過，係香港食飯都慣左。而日式的吧枱呢，我就更無興趣坐。係日本睇住廚師工作係享受，你會感受到佢的認真，係呢度我就無興趣睇住幾個廿幾歲的年青人係廚房玩…題外話，呢個都係好多香港連鎖式食店的死穴。就係一開得多店，就請晒一班後生仔女。如果係做學師，或者有訓練的樓面，我覺得後生仔女係無問題的，但係幾個人跟住set好的食譜去煮食物，而又全部都係後生仔，我食過唔同的食店，我夠膽講無一間做得好食。呢個問題唔淨係有冇心去做的問題，而係佢地本身有冇呢個經驗？有冇食過自己做的食物應該點先叫做好食的經驗？如果無，咁要煮得好食唯有靠天份，而有天份的話，做乜去做連鎖店呢…樓面全部都係年青人，但係又感受唔到活力…
睇openrice之前的食評都唔少朋友覺得佢好食，今晚終於有時間來APM的麵屋武藏試下佢係咪咁正。
我兩個人太約九點半到，我估因為星期一又係長假期後，無乜人，十分鐘到就有枱。
店舖的裝修其實幾有心思，一d裝飾都係日本武士故事中會見到的武器，呢樣我覺得唔錯。
不過坐位方面呢，就一貫香港食店啦…則係你同隔離枱的人兄係無秘密的，無論大家係咪相識。不過，係香港食飯都慣左。
而日式的吧枱呢，我就更無興趣坐。係日本睇住廚師工作係享受，你會感受到佢的認真，係呢度我就無興趣睇住幾個廿幾歲的年青人係廚房玩…
題外話，呢個都係好多香港連鎖式食店的死穴。就係一開得多店，就請晒一班後生仔女。如果係做學師，或者有訓練的樓面，我覺得後生仔女係無問題的，但係幾個人跟住set好的食譜去煮食物，而又全部都係後生仔，我食過唔同的食店，我夠膽講無一間做得好食。呢個問題唔淨係有冇心去做的問題，而係佢地本身有冇呢個經驗？有冇食過自己做的食物應該點先叫做好食的經驗？如果無，咁要煮得好食唯有靠天份，而有天份的話，做乜去做連鎖店呢…
樓面全部都係年青人，但係又感受唔到活力…
全場只有一個樣子好classics的男人係到努力招呼客人，其他的年青人呢？行來行去咁囉…
呢樣係題外話二，由外地引入香港的食店，尤其係日本的，當一請一班香港人時，真係keep唔到個質素。無論係食物或者招呼。
我明白香港人工唔高，但係打份工唔該都俾d熱誠，話晒都收左錢的…
我唯一試過好食的，係因為樓面有日本人負責睇住，咁真係keep到質素。同一間餐廳我第二次去時，變晒香港人，已經唔同第一次食的味道。
真人真事，不過個時未開始寫食評。
好，麵終於來了，呯一聲，點解係飛落我面前既？我諗哥哥仔可能一時失手，唔係有心既…希望係啦…唔係求求其其既…我一向認為賣相係日本料理的其中一個重點，但係點解我碗麵咁樣衰既？
紫菜濕到跌晒落個湯到，乜唔係最後先放的嗎？還是整好好耐都無人攞俾我？
D蔥亂放大半浸晒入湯裏面，其實負責製作的小朋友知唔知一碗靚仔的拉麵應該係點的呢？
一d好睇的拉麵或者認真的師傅會係放好麵之後再擺靚麵的形狀才淋上剛好的熱湯，而唔係一堆野咁放d麵落個碗到，求其倒d湯落去，浸左大半的食材。呢樣野真係要做多d功夫，唔該負責人教下d小朋友，日式拉麵係一種藝術同熱誠來的。
碗野只係睇賣相，已經令我的食慾同興趣減低了一半。
好啦，到味道。
其實我食唔出佢個豬骨湯同黑蒜油有幾好，如果同另一間「味精」拉麵比較的確係好食既。都係一味咸，食唔出豬骨煮到融入湯個種香味，更加唔會有豬油香啦。
叉燒呢，不過不失，但肉味唔係咁夠。最失敗係一夾就散，變左叉燒雜拉麵。okok可能係我唔識用筷子。
另一碗無相的白武骨沾汁麵就更唔掂，無左熱湯浸一浸，d麵仲硬，真係好唔吸引。而且唔知佢沾汁麵的湯係唔係會較濃，為左令食客可以沾汁食，咸到完全食唔到其他味道。再者，個湯如果同湯麵係一樣的話，其實則係湯另上，咁沾汁的特別在那兒呢？唔明白。
而餃子反而係一個驚喜，煎的時間剛好，有少少香脆，入口美味。而且餃子皮亦很薄，但不失咀嚼的口感。裏面的肉份量唔會太少，而且咬的時候更有肉汁。配合面頭的蔥一齊食非常可口，呢個攞返唔少分數。講真，係香港開的連鎖店我一向都興趣不大，正如前面所講，當呢d店一做大，只會請埋一d無心做野的青年人係廚房，求求其其按指示煮d食物出來。無錯， 麵屋武藏 本身個食譜同煮法材料都應該係唔錯的，但落係一班有流廚房上面，幾好都變左普通到極點。
你開以話俾乜價錢食乜貨仔，呢個我認同既。咁唔該店主俾多d人工，請一d有心做的人來工作，我請願佢加少少價，好食一d，到時我唔會介意排隊同俾多d錢。
張貼
