上海灘

營業中

休息中

同樣係葵涌廣場，用同一款飲品對比喜茶嘅飲品 究竟邊一間芝士系列嘅芝芝莓莓最好飲呢？葵涌廣場有好多間飲品店，但同事偏偏推介店面細唔起眼嘅上海灘，見今日冇人排隊就試吓啦！叫咗一杯芝芝莓莓同大陸喜茶比較吓先！如果有飲過喜茶嘅芝士系列，應該知道一杯芝芝莓莓就可以K. O. 你，因為太飽肚喇！飲完唔駛食嘢，食完飯飲又一定飲唔晒 。喜茶嘅飲品根本就係主食！反觀上海灘嘅芝芝莓莓就真正係一杯飲品喇！味道方面可以話係喜茶嘅清爽版！底層係打得好滑口嘅草莓沙冰，上層係濃郁鹹甜口味嘅芝士奶蓋。分開飲嘅話味道層次分明，飲到中段溝埋嚟飲，草莓口感更滑，奶香、鹹甜芝士，令飲品變成奶昔咁！ 飲到一半，死喇！太好飲竟然唔記得影相添！😅 所以影得半杯相！服務方面，店員同客人係零交流，都ok嘅，各有各自在囉！總結，如果想飲芝芝莓莓就去上海灘啦！