靚煲皇 (已結業)

因為有人生日，所以打算去打下邊爐慶祝下，最後朋友揀左黎靚煲皇依到開餐，依到有好多唔同既火鍋選擇，雞煲、鴛鴦鍋等等都有因為冇BOOK位關係，所以都特別早左黎，但估唔到我地係最早果枱環境唔算好大，不過都好夠街坊一家大細黎食，座位間都幾鬆動開頭冇咩冷氣，但之後愈食愈凍，都係要帶定件衫好洗好碗筷，店員就放低調味料、醬料，我地當然點好野食先開始自行分配喇大蜆煲，因為當日冇蜆既關係，所以就轉左做帶子喇～材料有帶子、冬菇、草菇、紫菜、莞茜，睇落份量十足，睇完有咩好食之後，就要等佢滾先食囉～湯底一滾就即刻夾比壽星仔～祝你快高長大喇XDDD湯底有少少既鮮味，不過未去到鮮甜，勝在材料夠多，食左好一陣都未食完，帶子就鮮味重啲，冬菇果啲都幾香，如果湯底再鮮啲就更好～樣樣真才實料，帶子不消一分鐘就已經清晒喇！包心芝士丸，大家最中意食既一碟，大家都大愛芝士流心，丸既肉質夠晒彈牙，咬開有熱騰騰既芝士流出黎，香濃又夠正～竹竺，打邊爐當然唔少得竹竺，吸晒湯汁食落去爆水，鮮鮮既湯底汁，口感又爽，不過價錢就偏貴魚皮餃，依個反而比較抵食，雖然熟既時間比較慢，但味道都幾鮮香，中意食魚皮餃既人都覺得唔錯黑木耳，唔知邊個咁健康嗌左