和歌山 (已結業)

今日同朋友去行街, 有個朋友話想試呢間和歌山日本餐廳, 所以就入去試下, 職員問有室外位, 問我地坐唔坐, 我地見天氣好, 又唔熱, 所以話OK, 職員就帶我地去坐位, 入到餐廳, 好有日本風情, 但室外坐位, 原來係穿過餐廳後面, 但環境都唔錯, 同幾乾淨, 唔知點解, 感覺日風, 有少少變左泰式風味.見咁好feel, 所以我叫左個海老冬蔭冷麵, 酸酸甜甜帶點小辣, 勁醒胃, 隻蝦都算大隻, 同好新鮮, 加埋個天氣, 真係襯絶.另外朋友點左個上級豚肉稻庭風鳥冬, 我覺得個賣相同個湯底都好清, 可能我比較鍾意食濃味野, 但我朋友話睇就清, 但食入口, 都好夠味道, 烏冬都好有口感, 唔會太淋, 我朋友反而鍾意佢夠清, 感覺無咁肥腻.我地再叫左個和牛沙津, 不過佢餐牌上寫係用澳洲和牛, 唔係日本和牛, 但都好好食, 雪花好勻均, 都有入口快溶既感覺, 個沙津菜加左檸檬汁,再配個蕃茄同柚子汁, 真係好好味.同好友一齊, 真係最開心, 加上個環境真係好舒適, 我地坐下食下傾下, 都係度差唔多3個鐘, 職員服務都好好, 就係咁, 過左一個愉快下午.