影片
更多
2010-11-30
3 瀏覽
串燒串燒串燒~~我愛串燒！今年同好友慶祝生日，畀佢搵到間專食串燒的店子，雖然唔係我最愛的日式串燒，不過四川風味都正，因夠辣呀！！終於都唔再只選擇日本菜喇，我常常怕佢因為就我而揀食日本菜，雖然我鍾意食啫，但就我食就不好了....。是晚我地準時１９點去到，原來大部份的位都給預留了，如只得兩人入座，就只有門口那兩張枱同Bar枱可選，門口？no way啦，個個開門Ｄ風吹入唻我就最驚架喇，所以我就揀咗Bar枱，其實我最鍾意坐Bar枱，因為可以睇到裡面廚房煮食或調飲！ＧＯＯＤ！今回我地都揀咗好耐先叫齊所有野食，太多野揀啦，諗清楚要食乜野先得丫嘛~~本來想飲sake架，但一叫最少也要一樽５００ml，沒有一杯叫的....太多了，所以最後只有好友點了啤酒，我唔鍾意飲啤，飲茶算了吧，但佢話呢款Beer好啖口喎，我也淺嚐一口，又真得啖得很呢。好彩張枱夠大，我地都叫咗好多野食，上枱時都好迫呀，好似懶豐富咁...哈哈哈哈~依次序上枱的是：Hoegaarden、枝豆x1、汁燒原隻魷魚筒x1、榮螺x2、墨魚咀x2、海鮮(蝦+墨魚)棒x1、魷魚鬚x1、燒通菜x2、燒大眼雞x1、燒羊肉x1、燒蒜頭x2、燒蕃茄x1、煙肉
今年同好友慶祝生日，畀佢搵到間專食串燒的店子，雖然唔係我最愛的日式串燒，不過四川風味都正，因夠辣呀！！
終於都唔再只選擇日本菜喇，我常常怕佢因為就我而揀食日本菜，雖然我鍾意食啫，但就我食就不好了....。
是晚我地準時１９點去到，原來大部份的位都給預留了，如只得兩人入座，就只有門口那兩張枱同Bar枱可選，門口？no way啦，個個開門Ｄ風吹入唻我就最驚架喇，所以我就揀咗Bar枱，其實我最鍾意坐Bar枱，因為可以睇到裡面廚房煮食或調飲！ＧＯＯＤ！
今回我地都揀咗好耐先叫齊所有野食，太多野揀啦，諗清楚要食乜野先得丫嘛~~
本來想飲sake架，但一叫最少也要一樽５００ml，沒有一杯叫的....太多了，所以最後只有好友點了啤酒，我唔鍾意飲啤，飲茶算了吧，但佢話呢款Beer好啖口喎，我也淺嚐一口，又真得啖得很呢。
好彩張枱夠大，我地都叫咗好多野食，上枱時都好迫呀，好似懶豐富咁...哈哈哈哈~
依次序上枱的是：Hoegaarden、枝豆x1、汁燒原隻魷魚筒x1、榮螺x2、墨魚咀x2、海鮮(蝦+墨魚)棒x1、魷魚鬚x1、燒通菜x2、燒大眼雞x1、燒羊肉x1、燒蒜頭x2、燒蕃茄x1、煙肉露筍卷x1、燒雞軟骨x2、燒洋蔥x1。
嘩！唔數唔數，原來都叫咗１４款喎。
食枝豆冇Sake送真的覺得欠缺了點什麼咁....
汁燒魷魚筒其實好食架，可是太硬了.....𡁻死人，相反魷魚鬚就好得多，一樣好食，其實都係同一樣野啫..XD
榮螺就唔多惦，燒得太乾又太硬，一樣𡁻死人！
墨魚咀ＯＫ啦，食咗都唔知係墨魚咀咁...，反而同步上枱的海鮮棒就真係十個Good喇，有咬口之餘又食到一粒粒墨魚，好彈牙好鮮好食！！
燒通菜正正正正！可能係第一次食的關係，覺得好新鮮囉。
燒大眼雞~~ oh~~ 太耐冇食大眼雞喇，今次仲原條燒，好友話唔食皮架喎，不過我一樣照食，因為脆丫嘛，正！
燒羊肉我就唔知好唔好食喇，因我唔食羊，但好友都豎起母指，應該好食o卦！？
燒蒜頭同燒蕃茄當然係我至至至愛啦，又係正，尤其燒蕃茄，好厚又大塊，仲好Juice添！！
煙肉露筍卷我就覺得太油膩了，露筍又冇露筍應有的鮮味。
燒雞軟骨ＯＫ啦，都係略嫌油膩了點。
燒洋蔥都係我至愛之一呀，同蕃茄一樣又厚又大塊，店員上枱時仲話要幫我地切開佢添，我梗係話唔使佢幫啦，要影咗先丫嘛..XD，總之就係好好食啦！！
雖然呢餐差唔多款款都係用辣椒粉和孜然作調味，成個口都係辣辣辣，但仍覺好食喎，因為我最愛辣嘛！
呢餐埋單連加一＄４３１，點咗咁多野，價錢算係咁上下喇，只希望好友呢餐生日飯食得開心滿意就最好了....。
張貼
