The Stadium (已結業)

今日好朋友生日，咁梗係就一就佢係附近搵食啦! 朋友喜愛食西餐，所以今次我揀咗間幾有特色嘅西餐廳。餐廳內裏頗大， 環境開揚仲有可以望到街景添。內裏罕有地有桌球打，射標機和少許康樂遊戲玩， 大人細路都啱玩!肉丸肉醬意粉肉醬夠多，肉丸好大粒，唔會太硬太韌， 非常入味。如果有小朋友，簡直係小朋友之選， 唔使驚佢哋唔啱食。凱撒沙律蔬菜夠晒新鮮，分量多， 蕃茄仔夠曬爽甜， 當中仲有一隻半生熟雞蛋， 撈埋一齊味道冇咁單調。黑松露pizza呢個pizza簡直係我嘅摯愛， 黑松露味道好重， pizza夠大， 餡料夠多， 芝士又香又濃， 麵包夠脆， 令人垂涎三尺，值得推介。黑松露芝士薯條黑松露fans嘅我， 當然唔會放過食黑松露芝士薯條啦! 薯條炸到金黃色， 外脆內熱，芝士粉夠多， 再配上黑松露醬，味道非常夾。餐牌選擇非常多，晚上仲有套餐可以選擇， 如果唔想諗又想簡單啲，揀個dinner set都係一個唔錯嘅選擇。