泰屋

營業中

休息中

今晚媽咪請我食泰國菜，佢喜歡呢間夠地度，閒日去到7點幾唔爆場！坐咗店內長枱，地方簡單，桌椅幾迫！不過食客有大半都係泰國人，聽泰話多過本地話，店員都係泰國人，好在識講本地話！溝通無問題！落單之後好快到，兩個人都係叫啲精細啲！生蝦刺身：蝦肉厚身爽口，好新鮮，唔會腥！雪到冰涼！夾生蒜片點埋酸辣汁好惹味！蝦頭炸到卜卜脆，下酒一流！明爐烏頭（$88）清湯雜菜烏頭，烏頭厚肉，肉質層次分明，索晒湯汁！再點酸辣汁！香辣惹味！蔬菜爽脆！粉絲索晒湯好味！炒椰菜苗：爽脆鮮嫩！醬汁薄身！好味！泰式金邊粉：賣相好靚，蝦肉新鮮，爽口，金邊粉煙韌，索晒酸甜醬汁，加埋花生粉好味，媽咪仲外賣咗一盒比細佬！龍眼水：走冰，好多龍眼肉！清甜好味！店內爆場，店員好勤快招呼！泰式地度餐廳，走時門口已有好多人等位！