影片
更多
2017-05-05
467 瀏覽
舊同學兼老死約食飯，佢揀左呢度，話啲海鮮新鮮有質素。入坐時已八點半，但都仍然好多人。一坐低，佢就話一定要食生蠔，我問點解，佢就話因為新鮮鮮甜囉。好，但我鍾意法國Gillardeau，打算一人食三隻，點知店員話Gillardeau得返三隻，呵，咁我要晒佢，老死就點左其他蠔。過左幾分鐘，店員話三隻Gillardeau咁啱俾人叫左! 原來啲蠔真係好新鮮，日日清，賣晒就冇。我鍾意食法國蠔，最後叫左Majestic 四隻同K.Y.S. 兩隻，其實Majestic係新移民嘅法國蠔，愛爾蘭養殖，最後三個月先會移到法國。Majestic: 海水味重，口感細滑，after taste口腔仍有豐富鮮甜蠔味K.Y.S. : 口感爽脆清甜，入口帶陣陣鮮海水味食食吓蠔，老友爆出一句，乜你冇聽過: 「蠔係女人的美容院，男人的加油站咩?!」哦，真係想噴出黎，原來唔止新鮮鮮甜咁簡單，我就美容吓囉，佢就: 追仔尚未成功，同志仍需努力! 其實三隻太少，佢應該要食夠一打先可以加到油~~叫返杯野順返先，Blue Ocean - 真係好似藍色大海咁，好靚! 面頭有一粒荔枝做裝飾，底下亦有荔枝肉，好似水母游緊水咁。藍色糖漿顏色太
入坐時已八點半，但都仍然好多人。一坐低，佢就話一定要食生蠔，我問點解，佢就話因為新鮮鮮甜囉。好，但我鍾意法國Gillardeau，打算一人食三隻，點知店員話Gillardeau得返三隻，呵，咁我要晒佢，老死就點左其他蠔。過左幾分鐘，店員話三隻Gillardeau咁啱俾人叫左! 原來啲蠔真係好新鮮，日日清，賣晒就冇。我鍾意食法國蠔，最後叫左Majestic 四隻同K.Y.S. 兩隻，其實Majestic係新移民嘅法國蠔，愛爾蘭養殖，最後三個月先會移到法國。
Majestic: 海水味重，口感細滑，after taste口腔仍有豐富鮮甜蠔味
K.Y.S. : 口感爽脆清甜，入口帶陣陣鮮海水味
Majestic 四隻同K.Y.S. 兩隻
22 瀏覽
0 讚好
0 留言
叫返杯野順返先，Blue Ocean - 真係好似藍色大海咁，好靚! 面頭有一粒荔枝做裝飾，底下亦有荔枝肉，好似水母游緊水咁。藍色糖漿顏色太靚，加埋薄荷葉味道好清新，COOL~
Blue Ocean
$68
44 瀏覽
0 讚好
0 留言
Fruit Punch
$68
9 瀏覽
0 讚好
0 留言
焗芝士海鮮蟹蓋
$138
15 瀏覽
0 讚好
0 留言
用料十足，點會唔好食?! 真係好正。
黎到點可以唔食個海鮮袋，有十二款海鮮揀，但最少要揀三款
我地揀左新鮮波士頓龍蝦400至500 克 ＄358、小龍蝦250克＄188、青口300 克 $108、蝦 250克＄140，每個海鮮袋都已經有德國腸、粟米同薯仔。另有三款醬汁揀，我地揀左Cajun汁少辣。
店員準備左一SET工具俾我地:
仲有一條水手裝嘅圍裙，但我覺得更似小朋友嘅"口水肩"，非常傻氣。
漲卜卜嘅海鮮袋終於上枱
一打開香味四溢，啲海鮮想爬出黎咁:
咁大隻龍蝦，雖然三百幾，但真係值!
仲有鮮紅色嘅蝦膏:
用手食好FREE，一手攞舊龍蝦肉出黎，爽 好爽!
小龍蝦、青口、鮮蝦，都係好新鮮，其中青口好巨型，特別鮮甜。
個Cajun汁好惹味，少少辣味帶出晒海鮮嘅鮮味。
個底仲有咁多汁，好似好浪費，最終我地叫左個Focaccia Bread點埋啲汁黎食。個包好鬆脆，仲有好多ROSEMARY!
Focaccia Bread
$58
34 瀏覽
0 讚好
0 留言
食完已經好飽，其實點止同學愛新鮮，我都愛新鮮 太好味!
除咗海鮮好正之外，餐廳裝潢都相當唔錯。一上樓梯已經好多個大魚缸，而且打晒藍色燈，好似去左深海咁~
餐紙又見Mr. Crab logo， 咧嘴而笑，食都食得開心啲~
洗手盤原本設喺洗水間內，但可能考慮到食客食海鮮經常要洗手，出入洗手間好唔方便，索性喺洗手間門口整個大洗手盤。水龍頭好濶又有暖水，好貼心，可以洗得又快又乾凈。
餐廳設有長枱，一大班friend嚟食一定好happy~
臨走記住去個大Mr. Crab logo拍照留念喎。
Good Night Mr. Crab
張貼
