嘉樂意大利餐廳 (已結業)

有次屋企人行過見到新開覺得幾好食，今日終於同埋屋企人去試下新野，地方都唔錯，座位都坐得都幾舒服!墨魚汁海鮮意大利飯，好多人覺得黑蚊蚊好核突，唔鍾意食，但我又好like食，個飯墨魚汁味道好濃郁好香同夠晒黑蚊蚊，飯質地好煙煙韌韌，粒粒分明唔會過淋，口感非常好，但餸就少左d! 肉醬千層麵，千層麵口感唔錯，淋淋地但唔易散，面頭超多芝士，芝士味好濃同好香仲好滑，茄醬汁調教得幾好，少少酸少少甜幾好味! 巴馬火腿蜜瓜，平時夾哈蜜瓜一齊食就多，蜜瓜就第一次，一樣好好味，火腿鹹鹹地夾埋又爽又甜既蜜瓜一齊食超正!飲品就冇乜特別，總括雖然每碟份量唔多，但價錢每碟都好平，可以試到多d款式都唔錯，野食都算幾好食，又近屋企好方便，真係值得再幫親!