海港燒鵝海鮮酒家 (已結業)

馬鞍山之友對呢間海港一定唔會陌生啦🤝————————————————————————雖然無食到馳名燒鵝，不過見咁靚都影一影🤣————————————————————————俾啲點餐紙大家睇下👀👀————————————————————————沙爹金錢肚🐷超級好味！唔會韌！食落爽口，啲汁夠哂味，雖然好似好肥膩，不過真係好好食🤤🤤🤤————————————————————————黑金流沙包👍🏻👍🏻👍🏻唔好以為個包黑蚊蚊無乜睇頭，個包蒸得好軟熟，入面既奶黃流沙熱辣辣，食落去其實係超級好食，口感好豐富，而且唔會太大個，唔怕食唔到其他野🥳————————————————————————香煎蝦米腸🦐呢個腸又係一絕，煎得好香，而且食落去唔會係好厚身好粉既感覺。加埋啲蝦米，好有口感👍🏻👍🏻————————————————————————飲茶又點會叫咁少嘢食丫。其實仲有個黑椒牛仔骨、鳳爪、小籠包同埋一個養生棉花雞😏黑椒牛仔骨同埋個鳳爪啲汁一樣好夠味。鳳爪大大隻絕對唔縮水，牛仔骨亦都唔韌，啖啖肉既滋味出哂嚟👏🏻👏🏻養生棉花雞值得一提，係因為佢係真魚肚！絕對唔係豬皮扮魚肚🤫魚肚大大舊夠哂爽口，呢個要推介一下