影片
更多
2017-11-07
350 瀏覽
禮拜日難得一家人都得閒，於是就去左飲茶，下午茶時段2點開始入座，我地大約2點05分到達，去到都只係等左2分鐘左右(等個帶位阿姐行出黎)。落左單之後，某啲食物好快就上菜。紅燒乳鴿會係我大力推薦既菜式，咬落肉汁好夠，唔似平時其他地方既乳鴿太油太乾，下午茶市都只係19蚊有2隻，十分抵食。鮮蝦菜苗餃亦都係另一個唔錯既點心，可能係而家冬天，菜苗當造，食落啲菜苗好香口。塊皮亦都好薄好滑，夾既時候要小心啲，好易夾爛。唯一有啲小小負評就係佢「鮮蝦」既份量太少，每隻餃得一粒蝦仔(感覺係將一隻蝦切粒，分左入4隻餃咁 =.=)蝦餃，正常發揮，令人感動既係終於食到一隻完整既蝦!! (同上面個菜苗餃比較之下)至於咸水角，望落去唔太油，都還可以，不過除左老豆之外都無人食，我自己一見到啲油物就覺得唔太健康，所以唔想食。叉燒腸發揮都係正常，至少啲腸粉食落有咬口，唔係「好爛皮，黐哂牙」嗰種感覺，用料都足，其實唔落鼓油都已經夠味。(個人覺得落左鼓油比較鹹)白灼西生菜，菜本身都幾難唔好食，唔... 其實喺酒樓食菜真係唔抵。仲有其他點心，不過由於我掛住食乳鴿，所以唔記得影相，以下逐一做個簡評。山竹牛肉球：牛肉落喼汁好食，不
紅燒乳鴿會係我大力推薦既菜式，咬落肉汁好夠，唔似平時其他地方既乳鴿太油太乾，下午茶市都只係19蚊有2隻，十分抵食。
紅燒乳鴿 (下午茶市)
$19
71 瀏覽
0 讚好
0 留言
鮮蝦菜苗餃亦都係另一個唔錯既點心，可能係而家冬天，菜苗當造，食落啲菜苗好香口。塊皮亦都好薄好滑，夾既時候要小心啲，好易夾爛。唯一有啲小小負評就係佢「鮮蝦」既份量太少，每隻餃得一粒蝦仔(感覺係將一隻蝦切粒，分左入4隻餃咁 =.=)
鮮蝦菜苗餃
$14
33 瀏覽
0 讚好
0 留言
蝦餃，正常發揮，令人感動既係終於食到一隻完整既蝦!! (同上面個菜苗餃比較之下)
富臨蝦餃皇
$14
29 瀏覽
0 讚好
0 留言
至於咸水角，望落去唔太油，都還可以，不過除左老豆之外都無人食，我自己一見到啲油物就覺得唔太健康，所以唔想食。
安蝦咸水
$12
26 瀏覽
0 讚好
0 留言
叉燒腸發揮都係正常，至少啲腸粉食落有咬口，唔係「好爛皮，黐哂牙」嗰種感覺，用料都足，其實唔落鼓油都已經夠味。(個人覺得落左鼓油比較鹹)
蜜汁叉燒腸
$18
24 瀏覽
0 讚好
0 留言
白灼西生菜，菜本身都幾難唔好食，唔... 其實喺酒樓食菜真係唔抵。
白灼西生菜
$14
19 瀏覽
0 讚好
0 留言
仲有其他點心，不過由於我掛住食乳鴿，所以唔記得影相，以下逐一做個簡評。
山竹牛肉球：牛肉落喼汁好食，不過食到啲枝竹有少少怪味，阿媽話可能係縮左，所以最後我地無食哂啲枝竹。
古綿馬拉糕：鬆軟香甜，好食！
香麻流沙包：一開始睇錯左以為係「奶皇包」，原來係「芝麻包」，不過都好食，芝麻香甜，咬落包度真係有流沙既口感。
本來點左個蘿蔔糕，但食哂所有點心，茶壺既水都飲埋，等多１５分鐘都係無黎，於是最後出去埋單嗰時取消番個點單。
最後埋單盛惠$194.5，飲茶黎講都算OK啦!
題外話/補充資料：
有加一，茶位每位8蚊(下午茶市)，感覺樓面唔係好夠服務員，有時想叫人都無人，要等好一陣。
(以上食評乃用戶個人意見 , 並不代表OpenRice之觀點。)
張貼
