影片
更多
2018-06-18
462 瀏覽
父親節又到了！爹地想食泰國菜，之前有朋友推薦金蘭花，話佢個咖喱法包好正，就決定一試當日收工即刻去九龍城，差唔到五點三就到餐廳(因為冇book到位，所以早啲去)一入到餐廳，得一台客，但老闆娘就話父親節做兩輪，分別係六點同八點，如果我地要食既話，六點就要交台，雖然好似要食得好快咁、唔可以好好地享受，但係一場黎到，又係父親節，周街都會係咁既是情況，就決定坐低食啦～拿拿臨落完order，都等左十至十五分鐘，第一道菜先上到。第一道菜係糯米雞翼，雞翼皮炸到微黑，食落唔冇想像中脆，但一咬即開，入面係糯米飯，整體味道唔會太鹹，點埋個泰式甜酸醬更加好食。少食炸野既我咬左一啖，覺得唔難食亦唔會特別驚艷，但中意食炸野既爹地就話係全餐飯最好食既泰式燒鰂魚，哩道菜賣相好難好睇嫁啦！之前係另外一間泰國餐廳食過都幾好食，心諗應該會有內涵既。可惜‥‥魚唔大條，可以食到既肉較少肉質燒得太乾，唔夠juicy同肥美，夾果陣仲會出現散肉既情況，但又未至於梅肉，介乎新鮮同唔新鮮之間魚肉味道唔夠鮮，冇咩魚味魚皮因為用大量鹽yip過，係食唔到既整體黎講，好一般，可以唔試(之前食過果間做法一樣但肉質仲可以保持鮮嫩嫁)泰式燒牛仔骨，睇
當日收工即刻去九龍城，差唔到五點三就到餐廳(因為冇book到位，所以早啲去)
一入到餐廳，得一台客，但老闆娘就話父親節做兩輪，分別係六點同八點，如果我地要食既話，六點就要交台，
雖然好似要食得好快咁、唔可以好好地享受，但係一場黎到，又係父親節，周街都會係咁既是情況，就決定坐低食啦～
拿拿臨落完order，都等左十至十五分鐘，第一道菜先上到。
糯米雞翼
$70
26 瀏覽
0 讚好
0 留言
第一道菜係糯米雞翼，雞翼皮炸到微黑，食落唔冇想像中脆，但一咬即開，入面係糯米飯，整體味道唔會太鹹，點埋個泰式甜酸醬更加好食。
少食炸野既我咬左一啖，覺得唔難食亦唔會特別驚艷，但中意食炸野既爹地就話係全餐飯最好食既
泰式燒鰂魚
$128
25 瀏覽
0 讚好
0 留言
泰式燒鰂魚，哩道菜賣相好難好睇嫁啦！之前係另外一間泰國餐廳食過都幾好食，心諗應該會有內涵既。可惜‥‥
魚唔大條，可以食到既肉較少
肉質燒得太乾，唔夠juicy同肥美，夾果陣仲會出現散肉既情況，但又未至於梅肉，介乎新鮮同唔新鮮之間
魚肉味道唔夠鮮，冇咩魚味
魚皮因為用大量鹽yip過，係食唔到既
整體黎講，好一般，可以唔試
(之前食過果間做法一樣但肉質仲可以保持鮮嫩嫁)
泰式燒牛仔骨
$98
11 瀏覽
0 讚好
0 留言
泰式燒牛仔骨，睇食評見唔少人都有order，就即管試下。
單睇賣相牛仔骨好瘦、冇咩肥膏，我鐘意但食落就嚇你一跳
肉超級韌！要大力咬、撕扯先整得開
牛味唔太出，不過肉唔太鹹，食落都唔會超油
好普通既一道菜，雖然都有成八塊咁多，但味道同價錢唔成正比，性價比算低
大圓法包咖喱雞
$128
40 瀏覽
0 讚好
0 留言
大圓法包咖喱雞超大個，好澎湃一開始仲以為會食唔曬添
法包外皮好脆，但入面既包鬆軟，點埋咖喱汁食，正（其實我成日都覺得只要個咖喱整得唔油同唔太重椰奶味，配咩都可以好食><）
法包入面有個小型椰子殼，裝住啲新鮮椰子肉、小量雞肉、菠蘿同咖喱汁
咖喱方面，因為用左椰子肉去整，食得出淡淡既椰子香，增加左咖喱既層次
咖喱味道唔辣，偏甜既果種，係香港人食到既口味
配料方面，椰子肉新鮮、好嫩；雞肉份量小，體積細，唔能夠仔細品嚐，肉質感覺上幾嫩滑，冇肥膏
整體味道唔算太重口味，但其實諗真啲，份量都唔多，法包雖然好大個，但無論配料定咖喱大部份都係用入面放左既果個小型椰子殼裝住，所以份量唔多，性價比唔高。
不過，哩道菜係我心目中都算係哩餐飯既第一或第二位啦
小金瓜 咖喱海鮮
$128
15 瀏覽
0 讚好
0 留言
小金瓜 咖喱海鮮，賣相幾吸引喎！
本身話要等成半個鐘，我唔敢落order，後尾話十五分鐘就得，好彩叫埋姐！
咖喱味道同法包果種唔同，哩個多左椰奶既味道，但都係唔辣既口味，淡淡既咖喱汁，我特登叫左碗白飯撈汁食添
雖然好肥，但撈左汁既白飯好滑好食呀！
配料方面，入面有兩粒青口、兩隻蝦、幾塊鮮魷、少量豆角、茄子、菠蘿
青口我無食到，好唔好食就唔知啦，但都幾大粒
蝦肉質唔彈牙，但都未去到梅既，勉強算新鮮，接受到。不過，蝦較細隻
鮮魷份量相比前兩樣就多少少，食落彈牙，但唔會韌到咬唔到，唔錯既
豆角仲保持到小小爽口，但唔入味
茄子唔夠淋，同樣唔入味
南瓜唔差喎！南瓜肉好粉，好食！
哩道菜都唔差既，雖然唔會覺得好好食，但都算某啲位做到有驚喜，收貨。
整體表現中規中矩，無想像中咁好食，未係我食過最難食既一間，但又未至於最好食。不過，哩間餐廳既野食口味較清淡，幾啱我既。
野食無論炸定燒，都唔會太過油膩
咖喱都好少油，唔會好似我之前食過一間咁，面頭浮住一層油咁可怕，哩到值得一讚
再試就未必啦，應該仲會有更多較好既選擇～
最近覓食都未食到過一間係好滿意既，係香港餐廳質素差左、定我期望太高又或者係對食物既要求高左呢
張貼
