影片
更多
2019-02-12
454 瀏覽
同班朋友好耐冇見，想大家坐埋一齊傾下計食下飯，同埋想玩下board game，有個朋友介紹話之前黎過呢間cafe覺得唔錯，所以今次一於試下。我們大概7點到cafe，cafe不算很大，大概可以接8枱客左右，沒有想過會full哂!cafe除了有電視可以睇，仲有很多不同的boardgame可以玩，岩哂我地!而且冇諗過cafe都會有不少小朋友黎到，我諗可能係佢地仲未放完假吧!跟朋友坐低後看過餐牌，揀選了party set，因為根據過往經驗，食party set係抵食過散叫的。而且party set飲品可以任飲，唔怕飲完一杯再口渴!荔枝紅茶、熱蜂蜜綠茶，party set飲品係一jar jar的，飲完可請店員再refill!田園沙律配日式芝麻醬，這款沙律除了有沙律菜，還有粟米粒、青瓜及車厘茄，所有蔬果都夠新鮮，芝麻醬也足夠食完整個沙律!無得輸芝士薯條，呢個芝士薯條有淡淡的芝士味，薯條用上粗薯條，上菜時熱辣辣，很香口。吉列珍寶蝦、粟米墨魚餅、蜜糖雞翼、咖喱角，這幾款小食好似拼盤咁上，吉列珍寶蝦不會炸得過火，蝦都有少少爽口。咖喱角炸得剛剛好，蜜糖雞翼如果蜜糖可以再多一點就好了!蜜汁雞肉串、泰式豬頸肉
同班朋友好耐冇見，想大家坐埋一齊傾下計食下飯，同埋想玩下board game，有個朋友介紹話之前黎過呢間cafe覺得唔錯，所以今次一於試下。我們大概7點到cafe，cafe不算很大，大概可以接8枱客左右，沒有想過會full哂!cafe除了有電視可以睇，仲有很多不同的boardgame可以玩，岩哂我地!而且冇諗過cafe都會有不少小朋友黎到，我諗可能係佢地仲未放完假吧!
跟朋友坐低後看過餐牌，揀選了party set，因為根據過往經驗，食party set係抵食過散叫的。而且party set飲品可以任飲，唔怕飲完一杯再口渴!
荔枝紅茶、熱蜂蜜綠茶，party set飲品係一jar jar的，飲完可請店員再refill!
田園沙律配日式芝麻醬，這款沙律除了有沙律菜，還有粟米粒、青瓜及車厘茄，所有蔬果都夠新鮮，芝麻醬也足夠食完整個沙律!
無得輸芝士薯條，呢個芝士薯條有淡淡的芝士味，薯條用上粗薯條，上菜時熱辣辣，很香口。
吉列珍寶蝦、粟米墨魚餅、蜜糖雞翼、咖喱角，這幾款小食好似拼盤咁上，吉列珍寶蝦不會炸得過火，蝦都有少少爽口。咖喱角炸得剛剛好，蜜糖雞翼如果蜜糖可以再多一點就好了!
蜜汁雞肉串、泰式豬頸肉，雞肉串個醬汁味道唔錯，豬頸肉有泰式的醬汁可以點，酸酸辣辣。
芝士焗蔬菜，主要係西蘭花，還有一些小甘筍及粟米粒，芝士焗得剛剛好，味道不會偏咸!
主菜可揀兩款，其中一款揀選了卡邦尼煙肉扭扭粉，店員表示這款都多人揀，除了有煙肉外，還有蘑菇，味道唔會好似出面餐廳果D卞邦尼咁咸，亦唔會食到好漏，係一個不錯的選擇。
黑松露海鮮意大利飯，海鮮包括有蝦、青口、魷魚及蜆肉，個飯唔算係好cream，所以都唔會太漏，有淡淡的黑松露味!
最後還有雪米糍做甜品。總括黎講，每人$170左右，都唔算好貴，傾得滿足、玩得滿足、食得滿足的一個晚上!
張貼
