尚鮮海鮮料理 (已結業)

尚鮮火鍋海鮮料理今日約咗D朋友去打邊爐。依度嘅座位都好寬闊，我哋坐獨立卡位，好有私人空間仲有電視睇添。我哋就叫咗一個蟲草花湯底，叫咗一啲手切牛、響鈴、雲吞、丸等等。個湯底仲可以當湯飲都幾好味㗎。因為係蟲草花花膠燉雞湯，食材都幾豐富，味道好清甜，火候十足。當我地飲到差唔多嘅時候，個店員就幫我地加湯做火鍋湯底，非常細心。嗰個牛肉，食落好有牛味，啲肉質好爽口又嫩滑。我哋帶咗四色丸，啲丸都好有特色，味道不錯，幾好味。如果有機會大家都可以去試吓！