Sodam Chicken (已結業)

今次黎到中環好出名既韓式炸雞(Sodam Chicken)。同3個朋友去叫左2大份炸雞同個湯同薯條中已經夠肚。有蜜糖芥末炸雞、蜜糖蒜香焗雞、魚串湯同芝士薯條同芝士麵包脆脆。炸雞黎到每一碟分別都有10件，每一件都幾大件。蜜糖芥末炸雞，無好強烈既芥末味，但加上蜜糖，令到味道唔會咁單調同埋每一件雞外皮都炸得好脆，炸粉亦唔會太厚。之後係蜜糖蒜香焗雞，蒜香係用左整到脆脆既蒜片去焗，每咬到一片蒜片都會有驚喜，焗雞用既蜜糖比較甜，但都好好味。魚串湯比我係韓國食到既更好味，一黎無咁多胡椒粉同魚串都仲好有口感。芝士薯條同麵包都沾上芝士粉加上蛋黃醬十分美味。