影片
更多
2024-11-01
151 瀏覽
前幾日，我哋約咗喺天后嗰邊一間餐廳同朋友慶生。呢間餐廳係朋友揀嘅，除咗有個靚靚嘅露台之外，我哋仲趕得切睇日落🌅。餐廳只係得一個套餐，啱晒選擇困難既我地，呢個套餐有超過10款食物，其中幾樣係我印象比較深刻嘅。🦀阿拉斯加長腳蟹呢道菜上嚟嘅時候，長腳蟹已經俾廚師切好咗，我哋只需要蒸一蒸就可以食。蟹肉好新鮮，多汁嫩滑，由於係蒸嘅關係，蟹肉保留咗佢本身嘅鮮甜味道。🍲龍蝦湯蒸蛋配蟹肉呢道料理好特別，用龍蝦熬嘅湯底嚟蒸蛋，滑溜溜嘅蒸蛋同龍蝦湯汁嘅味道好夾。蒸蛋入面仲有蟹肉，食落去更有口感。刺身帶子（海草配西京麵鼓）呢個帶子係嚟自蘇格蘭嘅，帶子食落去有啲Q彈，海草嘅口感清脆，再配埋帶甜同鮮味嘅西京麵豉，一齊食落去口感真係唔錯🧀芝士櫻花蝦鮑魚呢道係我最鍾意嘅料理，因為有我鍾意嘅芝士。鮑魚帶有嚼勁，櫻花蝦食落去有輕微嘅脆感，再配埋鹹香嘅芝士，簡直係完美。🦪鮮北海道北寄貝北寄貝同長腳蟹一樣，本身就帶有鮮甜味，只要蒸一蒸就可以食，食落去非常多汁。我哋嘅飲品係新鮮榨嘅橙汁同蘋果汁🍊🍎 酸酸甜甜，好啱夏天飲。呢間餐廳嘅每一道菜都好有食材嘅特色，仲可以喺露台上欣賞下日落嘅美景。如果你都鍾意喺舒服嘅環境下試吓唔同嘅料
呢間餐廳係朋友揀嘅，除咗有個靚靚嘅露台之外，我哋仲趕得切睇日落🌅。
餐廳只係得一個套餐，啱晒選擇困難既我地，呢個套餐有超過10款食物，其中幾樣係我印象比較深刻嘅。
🦀阿拉斯加長腳蟹
呢道菜上嚟嘅時候，長腳蟹已經俾廚師切好咗，我哋只需要蒸一蒸就可以食。蟹肉好新鮮，多汁嫩滑，由於係蒸嘅關係，蟹肉保留咗佢本身嘅鮮甜味道。
🍲龍蝦湯蒸蛋配蟹肉
呢道料理好特別，用龍蝦熬嘅湯底嚟蒸蛋，滑溜溜嘅蒸蛋同龍蝦湯汁嘅味道好夾。蒸蛋入面仲有蟹肉，食落去更有口感。
刺身帶子（海草配西京麵鼓）
呢個帶子係嚟自蘇格蘭嘅，帶子食落去有啲Q彈，海草嘅口感清脆，再配埋帶甜同鮮味嘅西京麵豉，一齊食落去口感真係唔錯
🧀芝士櫻花蝦鮑魚
呢道係我最鍾意嘅料理，因為有我鍾意嘅芝士。鮑魚帶有嚼勁，櫻花蝦食落去有輕微嘅脆感，再配埋鹹香嘅芝士，簡直係完美。
🦪鮮北海道北寄貝
北寄貝同長腳蟹一樣，本身就帶有鮮甜味，只要蒸一蒸就可以食，食落去非常多汁。
我哋嘅飲品係新鮮榨嘅橙汁同蘋果汁🍊🍎 酸酸甜甜，好啱夏天飲。
呢間餐廳嘅每一道菜都好有食材嘅特色，仲可以喺露台上欣賞下日落嘅美景。如果你都鍾意喺舒服嘅環境下試吓唔同嘅料理，呢間餐廳係唔錯嘅選擇
張貼
