富山居 (裝修中)

今日同朋友出街 經過大埔唔知食咩好 上網見到人話呢間居酒屋好好食 咁朋友都幾鍾意食壽司 所以我哋就揀咗呢間食🥰呢度嘅環境真係好似居酒屋 好清靜 牆上痴滿咗日式嘅海報 加上員工嘅服務態度好好 值得一讚！🍣金龍蝦反卷伴火炙雙目壽司🍣有鰻魚，三文魚，同吉列炸蝦 🎖共八件🎖一上枱就見到食物非常豐富 壽司好高質新鮮 特別一提佢嘅鰻魚 鰻魚壽司無骨 食落口啖啖肉 味道唔錯！吉列炸蝦熱辣辣 仲有啲沙律醬做點綴！🥇再配埋一個迷你烏冬同中華沙律 呢一個set lunch真係好抵食好滿足！🥩炭火燒牛扒伴珍珠飯配達米加燒肉汁🥩另一款就比較西式啲 燒牛扒好厚肉 都好大塊 用炭火燒過所以有微微嘅炭香 好有肉味 牛扒好嫩滑 估唔到個燒汁咁好食！同牛扒嘅配搭真係非常之好 🏵將啲汁撈埋飯食真係好滿足！🏵下次經過大埔一定要再食呢間！🏆