影片
更多
2021-12-18
67 瀏覽
為咗去行從來冇行過嘅將軍澳Donki，放工就去走咗轉，行完見我就四圍搵嘢食，一出去就見到一間日式餐廳，木門裝修非常有格調，一睇餐牌見到而家做緊聖誕set，非常之抵食！於是諗都唔諗就行咗入去～🥗前菜盛合- 本菇，牛蒡，醃青瓜我鍾意食所有嘅菌類，本菇最好食～醃青瓜爽脆，份量非常多，前菜記住唔可以食太多🐡刺身三點盛-油甘魚，刺身帶子，三文魚油金魚好新鮮，師傅刀功好，切到完全無筋～魚肉細嫩充滿油香帶子夠新鮮，海水味濃，食落漿口👍🏻🦀北海道松葉蟹肉餅明太子蟹餅炸得好好！外皮炸到通透唔笠油，啖啖蟹肉～🦞龍蝦味噌湯龍蝦我最愛！呢個要比💯🍢串燒 - 日本岩手雞肉串，日本黑豚五花脯，蒲燒鰻魚串 & 日本杏鮑菇 每款都燒到剛剛好，肉質沒有燒到乾硬最鍾意食雞肉串，雞肉鮮甜加上炭香！無得彈🐃安格斯牛肩胛日式雜菜鍋（兩位用）我隔咗好耐先至食呢個鍋，牛肉都冇變到老，仍然好容易咬，肉質好嫩～充滿油香！鍋內菜量十足，滿足扮健康而食菜嘅我🍚 飯餐本身跟白飯，但我地$78轉鰻魚炒飯飯量好多，兩個人根本食唔晒，唯有塞同行友人食多啲，炒飯乾身唔油膩🍨節日精選甜品拼盤食到你呢度真係飽到上心口，但甜品唔係行貨，蕨餅好好食，蘸上最
放工就去走咗轉，行完見我就四圍搵嘢食，
一出去就見到一間日式餐廳，
木門裝修非常有格調，
一睇餐牌見到而家做緊聖誕set，
非常之抵食！於是諗都唔諗就行咗入去～
🥗前菜盛合- 本菇，牛蒡，醃青瓜
我鍾意食所有嘅菌類，本菇最好食～
醃青瓜爽脆，份量非常多，
前菜記住唔可以食太多
🐡刺身三點盛-油甘魚，刺身帶子，三文魚
油金魚好新鮮，師傅刀功好，
切到完全無筋～魚肉細嫩充滿油香
帶子夠新鮮，海水味濃，食落漿口👍🏻
🦀北海道松葉蟹肉餅明太子
蟹餅炸得好好！外皮炸到通透唔笠油，
啖啖蟹肉～
🦞龍蝦味噌湯
龍蝦我最愛！呢個要比💯
🍢串燒 - 日本岩手雞肉串，日本黑豚五花
脯，蒲燒鰻魚串 & 日本杏鮑菇
每款都燒到剛剛好，肉質沒有燒到乾硬
最鍾意食雞肉串，雞肉鮮甜加上炭香！無得彈
🐃安格斯牛肩胛日式雜菜鍋（兩位用）
我隔咗好耐先至食呢個鍋，
牛肉都冇變到老，仍然好容易咬，
肉質好嫩～充滿油香！
鍋內菜量十足，滿足扮健康而食菜嘅我
🍚 飯餐本身跟白飯，但我地$78轉鰻魚炒飯
飯量好多，兩個人根本食唔晒，
唯有塞同行友人食多啲，炒飯乾身唔油膩
🍨節日精選甜品拼盤
食到你呢度真係飽到上心口，
但甜品唔係行貨，蕨餅好好食，
蘸上最愛綠茶粉，食落夠晒煙韌～
就嚟到聖誕節，心情特別興奮，
於是叫左少少清酒，最推月之玉響，
呢一款酒係原酒，比普通清酒厚身、
味道亦會比加過水的清酒濃郁。
另一款六十餘州 純米酒 山田錦
甜味較突出，呢種甜味跟吟釀香不同，
係一種由飯發出的甜味，
口味幾適合女孩子飲！
餐廳而家喺以下兩個時段做緊優惠，
想試嘅就唔好錯過啦！
下午茶時段 （特惠價）：下午2:30至5:30,A La Cart 餐牌全單8折(不包括午市定食及兒童套餐) 而午市定食就都會有 9折 優惠
Dinner 早鳥優惠：晚市下午5:30至7:30前結帳都享有85折,（不包括2人套餐及兒童套餐）
以上優惠適用於星期一至五
公眾假期及假日除外
張貼
