影片
更多
2008-03-03
27 瀏覽
二月二十九日- 星期五一個月前嚟呢度食過第一次，覺得幾好食，今晚又想食齋，所以又再嚟過。今次都要等兩三個字，唔知係咪因為星期五晚／大家都認為呢度幾好食呢？原來呢度有得食素食火鍋，本人就從未試過啦，不過就唔係太大興趣，都係點返普通齋菜穩陣d。點了一個二人套餐+ 日式煎素餃子+ 鴿崧跟生菜包+ 羅漢齋炒麵，四人食真係好夠。套餐有：素翅兩碗，菠蘿咕嚕肉，法海圃團及紫米露糖水。菠蘿「咕嚕肉」賣相吸引，食落酸酸甜甜，很開胃，「咕嚕肉」比起真的咕嚕肉較腍，但味道亦相當不錯，炸粉炸得幾香脆可口。鴿崧跟生菜包又係另一推介，像真度極高，有崧子、紅蘿蔔、話梅碎等，幾特別。除咗煎餃子外，其他食物都唔錯，煎餃子既餃子皮太韌，所以麻麻哋。順帶一提，樓下買齋鹵味既客人眾多，味道應該不錯掛。
一個月前嚟呢度食過第一次，覺得幾好食，今晚又想食齋，所以又再嚟過。
今次都要等兩三個字，唔知係咪因為星期五晚／大家都認為呢度幾好食呢？
原來呢度有得食素食火鍋，本人就從未試過啦，不過就唔係太大興趣，都係點返普通齋菜穩陣d。點了一個二人套餐+ 日式煎素餃子+ 鴿崧跟生菜包+ 羅漢齋炒麵，四人食真係好夠。
套餐有：素翅兩碗，菠蘿咕嚕肉，法海圃團及紫米露糖水。菠蘿「咕嚕肉」賣相吸引，食落酸酸甜甜，很開胃，「咕嚕肉」比起真的咕嚕肉較腍，但味道亦相當不錯，炸粉炸得幾香脆可口。鴿崧跟生菜包又係另一推介，像真度極高，有崧子、紅蘿蔔、話梅碎等，幾特別。除咗煎餃子外，其他食物都唔錯，煎餃子既餃子皮太韌，所以麻麻哋。
順帶一提，樓下買齋鹵味既客人眾多，味道應該不錯掛。
張貼
