影片
更多
2013-07-01
494 瀏覽
今日老公仔生日，星期日周圍都多人，最後見門口menu好吸引，就揀左呢間。入面氣氛幾好，大家都好enjoy，比左張4人枱我地，望住假壁爐，相當悠閒，好舒服。首先黎左個勁正嘅波士頓龍蝦沙律，沙律勁fresh，以火龍果做尾巴，成隻小龍蝦砌返出黎，淨係感覺已經贏哂。之後有我最kai但最鍾意嘅暖暖麵包，仲可以免費添，waiter服務勁好，勁似上郵輪食西餐咁。頭盤係老公favourite嘅煎鵝肝，老公食到停唔到口，連唔食鵝肝嘅我都覺得幾好，入口即溶，好香口，但份量真係小左d，但好食囉。之後到我最愛嘅田螺，反而有d失望，田螺入面比較多水，薯蓉唔夠香，要求唔高嘅話都ok嘅。主菜係和牛，叫左6成，薯條無點食(因為2個都好熱氣xD)，但和牛ok嘅，我覺得隻汁同芥末撈埋，都幾好食，但老公厭入口唔夠溶，唔夠肥美，而我反而鍾意比較實嘅感覺，唔肥，但唔韌。另一個係三文魚墨汁意粉，反而喜出望外，唔食墨魚汁嘅我都覺得幾好食，更自創撈埋隻和牛汁食，更正，可以試下。去到甜品，係心太軟+雲呢拿雪糕，一冷一熱，好正。蛋糕好軟，入面d朱古力慢慢流出，老公話係食過咁多間，呢間水準都名列前茅。到焦糖燉蛋，好食，但唔食得太甜野嘅人記
首先黎左個勁正嘅波士頓龍蝦沙律，沙律勁fresh，以火龍果做尾巴，成隻小龍蝦砌返出黎，淨係感覺已經贏哂。
之後有我最kai但最鍾意嘅暖暖麵包，仲可以免費添，waiter服務勁好，勁似上郵輪食西餐咁。
頭盤係老公favourite嘅煎鵝肝，老公食到停唔到口，連唔食鵝肝嘅我都覺得幾好，入口即溶，好香口，但份量真係小左d，但好食囉。之後到我最愛嘅田螺，反而有d失望，田螺入面比較多水，薯蓉唔夠香，要求唔高嘅話都ok嘅。
主菜係和牛，叫左6成，薯條無點食(因為2個都好熱氣xD)，但和牛ok嘅，我覺得隻汁同芥末撈埋，都幾好食，但老公厭入口唔夠溶，唔夠肥美，而我反而鍾意比較實嘅感覺，唔肥，但唔韌。另一個係三文魚墨汁意粉，反而喜出望外，唔食墨魚汁嘅我都覺得幾好食，更自創撈埋隻和牛汁食，更正，可以試下。
去到甜品，係心太軟+雲呢拿雪糕，一冷一熱，好正。蛋糕好軟，入面d朱古力慢慢流出，老公話係食過咁多間，呢間水準都名列前茅。到焦糖燉蛋，好食，但唔食得太甜野嘅人記住拎走面頭嘅糖漿！！如果唔係，真係甜到嘔(因我地2個都勁怕太甜)，但拎走後d蛋好滑，好好食！
最後叫左一熱一凍朱古力，但有d後悔，因為……食完心太軟嘅濃郁朱古力後，已經再飲咩朱古力都無味(囧)，所以叫野飲時要留神呀！
整體黎講，我地叫左個set，988加1，total埋單$1100，已經係當日做緊promote，本身呢個全menu最貴嘅經典2人餐應該係1488，但waiter嘅服務+每碟菜上前會換餐具、食完先上下一道菜，可以慢慢食、傾下計，幫你睇你食到咩進度，再預時間煮，你食完後，5-10分鐘左右就有下一道菜上，超舒服+典型法國菜。不過食到後面，真係愈食愈甜，同埋11點關門，我地9點入去，食到後面有d趕，但服務生無點樣，只係我地唔好意思阻人收工
所以，下次會再去，但依咁大個set同法國菜嘅進度，建議預早3個鐘，姐係最好8點前開始食了，慢慢嘆，傾下計，不失為一個浪漫嘅晚上。
老公，生日快樂 ^^
張貼
