豚屋 (已結業)

Item: 豚屋
Rating: 3
Author: 小嵐子

Butaya

33 食評

味道

環境

服務

衛生

抵食

屯門

$101-200

日本菜

小嵐子

等級2

今晚同老公行開屯門市廣場, 想食吉列豬, 就去左哩間話係專食豬的餐廳試下. 由於之前未試過, 見食評亦都係一半一半, 所以只叫了一個 set dinner 同一份煎餃. set dinner 係 "黃金肩豚西冷蓋飯", 而餃子係 "黑豚肉煎餃子". 個飯跟左一客沙律, 湯, 甜品, 一杯野飲. 先講個主菜 ─ 吉列豬扒. 賣相的顏色已覺得偏深色, 估計係N年油炸/再翻炸! 厚度 (連炸粉) 睇落都唔係好厚. 咬落去, 係岩岩炸起的, 熱辣辣. 但內裡塊肉就真係唔係好厚了. 有 d 炸粉仲同塊扒甩開tim! 扒旁 d "滑蛋" 一 d 都唔滑, 食唔到蛋味! 而個汁更加食唔出係咩汁, 無黎聞味! 反而全個飯最鮮味最搶味的, 係紅蘿蔔絲. 好鮮味!! 比同樣都係配角的洋蔥更好味, 完全搶晒成個飯的味覺!!再講個 "黑豚肉煎餃子", 唔知係唔係想令人覺得香脆, 個黑都有起碼四份一煎到黑左! 油就唔算好油, 不過食落去就唔覺食緊 "黑豚肉餃子", 感覺上同食普通餃子差唔多, 什至普通餃子仲好食過佢! 餃子跟左一碟黑醋 (應該係黑醋呱). 如果餐廳希望個黑醋唔好搶左 d 豬味, 不如就直情唔好跟

今晚同老公行開屯門市廣場, 想食吉列豬, 就去左哩間話係專食豬的餐廳試下. 由於之前未試過, 見食評亦都係一半一半, 所以只叫了一個 set dinner 同一份煎餃. set dinner 係 "黃金肩豚西冷蓋飯", 而餃子係 "黑豚肉煎餃子". 個飯跟左一客沙律, 湯, 甜品, 一杯野飲.

先講個主菜 ─ 吉列豬扒. 賣相的顏色已覺得偏深色, 估計係N年油炸/再翻炸! 厚度 (連炸粉) 睇落都唔係好厚. 咬落去, 係岩岩炸起的, 熱辣辣. 但內裡塊肉就真係唔係好厚了. 有 d 炸粉仲同塊扒甩開tim! 扒旁 d "滑蛋" 一 d 都唔滑, 食唔到蛋味! 而個汁更加食唔出係咩汁, 無黎聞味! 反而全個飯最鮮味最搶味的, 係紅蘿蔔絲. 好鮮味!! 比同樣都係配角的洋蔥更好味, 完全搶晒成個飯的味覺!!

再講個 "黑豚肉煎餃子", 唔知係唔係想令人覺得香脆, 個黑都有起碼四份一煎到黑左! 油就唔算好油, 不過食落去就唔覺食緊 "黑豚肉餃子", 感覺上同食普通餃子差唔多, 什至普通餃子仲好食過佢! 餃子跟左一碟黑醋 (應該係黑醋呱). 如果餐廳希望個黑醋唔好搶左 d 豬味, 不如就直情唔好跟上! 個醋味好淡, 點醋食又唔覺有醋味, 唔點又食唔出豬味, 真係唔知點咁.

最搞笑係個飯原價係 $128, 咁依家有 8 折優惠. 咁 $128 x 0.80 = $102.40 (無計錯勒呱). 但張單係出左 $103! 雖然只係 $1 之差, 但唔知咩計算方式可以 "四捨五入" 成咁呢?