影片
更多
2013-09-10
436 瀏覽
呢晚老友係７點已經去攞位，我要７點３先到，一眼關七之下，樓底好高，空間感好好，裡面有一個長長魚缸好靚，時間尚早，所以只有一檯客咋，不過我地食到８點多都仲係好多吉檯，可能Ｄ人知道 10點後壽司刺身半價，我地呢個時間緊係唔來食啦。雖然我鍾意食日本菜，可是唔食壽司呢....呢間又要係主食壽司嘅，唯有要多Ｄ時間諗啦，同埋見餐牌價錢都頗貴啫，睇吓叫返來食物質素同價錢成唔成正比喇。２０分鐘後，終於決定到食乜野，以下係我地揀嘅﹣① 鯖魚壽司 ($25)：鯖魚唔似係刺身，應該係醋醃漬鯖魚，質感少少實的，都ＯＫ。② 火炙油甘魚壽司 ($25)：感覺燒得唔夠，只輕輕炙過下，油甘魚雖薄但肥美。③ 海膽蟹籽軍艦 ($28)：賣相麻麻，Size好的骰，蟹籽與海膽各佔一半，同樣新鮮唔腥。④ (季節推介) 海葡萄野菜沙律 ($36)：呢個我一見到即刻要話食，因為市面好少見，我係日本食過，係就係冇味架喇，不過我又好鍾意佢個質感，雖然份量少，不過呢個價錢係抵食嘅，配上新鮮的沙律菜、青瓜同車厘茄，竟然係呢餐我的首選。⑤ 鱆紅魚(三片) ($32)：３片薄薄的，入口淡到冇味一樣，更覺有一點點雪味添。⑥ 鰹魚(三片) ($3
雖然我鍾意食日本菜，可是唔食壽司呢....呢間又要係主食壽司嘅，唯有要多Ｄ時間諗啦，同埋見餐牌價錢都頗貴啫，睇吓叫返來食物質素同價錢成唔成正比喇。
２０分鐘後，終於決定到食乜野，以下係我地揀嘅﹣
① 鯖魚壽司 ($25)：鯖魚唔似係刺身，應該係醋醃漬鯖魚，質感少少實的，都ＯＫ。
② 火炙油甘魚壽司 ($25)：感覺燒得唔夠，只輕輕炙過下，油甘魚雖薄但肥美。
③ 海膽蟹籽軍艦 ($28)：賣相麻麻，Size好的骰，蟹籽與海膽各佔一半，同樣新鮮唔腥。
④ (季節推介) 海葡萄野菜沙律 ($36)：呢個我一見到即刻要話食，因為市面好少見，我係日本食過，係就係冇味架喇，不過我又好鍾意佢個質感，雖然份量少，不過呢個價錢係抵食嘅，配上新鮮的沙律菜、青瓜同車厘茄，竟然係呢餐我的首選。
⑤ 鱆紅魚(三片) ($32)：３片薄薄的，入口淡到冇味一樣，更覺有一點點雪味添。⑥ 鰹魚(三片) ($36)：呢個比鱆紅厚身，可是有筋和偏"鞋"，好麻麻。
⑦ 鹽燒青檸三文魚壽司 ($19)：都幾靚仔，鹽燒三文魚表面輕輕炙過，比冷麵的刺身好食，另加一小片炙過的青檸，幾開胃。
⑧ 日式刺身冷麵 ($36)：最後上檯嘅係呢個冷麵，明明menu上係冇汁嘅，但呢個用咗日式芝蔴醬，芝蔴醬份量多到浸住Ｄ麵咁，芝蔴醬太多味道一般，有２款切粒刺身，都新鮮嘅。
10% Service Charge Total = 261
慢慢食住傾都食咗個半鐘，可惜食完呢餐，唔飽，好似冇食過野咁。
張貼
