影片
更多
2016-12-13
530 瀏覽
老豆生日想同佢食飯慶祝，由於無咩心水，我問過住呢區既同事，佢地話不如帶老豆去酒店度食啦，（因為我話價錢唔係大問題，最緊要好食），咁就去左呢間酒店食teppanyaki.同事都提過我話間酒店作風低調，地方唔係好金碧輝煌果隻，我地搭lift上到去，地方確實地調但俾人沈實感覺，以黑色為主題既佈置，加上每一組客人都完全被間開，私隱度確實夠高。事前已經一早同酒店安排左菜單，當然係因為想俾份驚喜俾老豆啦。頭盤係一份青瓜配麵豉醬，係日本金山寺黎既，偏鹹既麵鼓醬配合青瓜爽脆口感一齊食，青瓜既甜與麵鼓既鹹頗夾，吃起來頗清新。主角出場啦，終於有得食teppanyaki, 一位廚師只是煮給一台客，感覺像貴賓因他只是服侍我們的，有要求的話也可直接和他講。先黎珍寶大虎蝦，廚師話係印尼既，隻大虎蝦唔係講笑，差不多有成隻前臂咁長，唔講真係會以為係龍蝦。廚師既功架一覽無遺，佢只係用兩個摌就好輕易咁將成隻虎蝦切頭，剝殻，挑腸，然後煎兩煎抄兩抄，最後加埋蛋黃醬淋上去就攪掂。蝦肉食落真係好似龍蝦肉，肉質係爽而甜，加上廚師將蛋黃醬溝埋蝦膏，蛋黃既鹹香將蝦膏既肥美帶埋出黎，超邪惡既醬呀。呢隻虎蝦比好多其他海鮮餐廳煮得更好。最後
同事都提過我話間酒店作風低調，地方唔係好金碧輝煌果隻，我地搭lift上到去，地方確實地調但俾人沈實感覺，以黑色為主題既佈置，加上每一組客人都完全被間開，私隱度確實夠高。
事前已經一早同酒店安排左菜單，當然係因為想俾份驚喜俾老豆啦。頭盤係一份青瓜配麵豉醬，係日本金山寺黎既，偏鹹既麵鼓醬配合青瓜爽脆口感一齊食，青瓜既甜與麵鼓既鹹頗夾，吃起來頗清新。
主角出場啦，終於有得食teppanyaki, 一位廚師只是煮給一台客，感覺像貴賓因他只是服侍我們的，有要求的話也可直接和他講。
先黎珍寶大虎蝦，廚師話係印尼既，隻大虎蝦唔係講笑，差不多有成隻前臂咁長，唔講真係會以為係龍蝦。廚師既功架一覽無遺，佢只係用兩個摌就好輕易咁將成隻虎蝦切頭，剝殻，挑腸，然後煎兩煎抄兩抄，最後加埋蛋黃醬淋上去就攪掂。
蝦肉食落真係好似龍蝦肉，肉質係爽而甜，加上廚師將蛋黃醬溝埋蝦膏，蛋黃既鹹香將蝦膏既肥美帶埋出黎，超邪惡既醬呀。呢隻虎蝦比好多其他海鮮餐廳煮得更好。
最後仲有份海鮮炒飯，當係都係廚師即場teppanyaki啦，首先將海鮮料炒到半熟，然後將飯與大碗蛋槳混合一齊炒，將飯炒至逐粒飯都識跳，最後調味，賣相都幾sharp，飯炒到金黃色，而海鮮配料都頗多。蝦肉，三文魚肉，鱈魚肉同埋蜆肉，食得出全部係新鮮料，唔係雪到硬晒果隻，所以食落肉質係爽之外都帶有鮮甜味道。
至於炒飯係粒粒分明，而每粒都包被蛋槳包住，口感夠滑又夠香，食落唔會覺得肥利，炒飯質素頗高。
最後問返老豆，佢都話最滿意係隻大虎蝦，食到佢舔舔脷，仲話既然質素咁高，就一於做冬都黎食喎，我心諗你都要俾我個荷包回下氣掛。張貼
