壹級日本料理 (已結業)

某日老豆話想食日本野。但沙田呢個地方，人多喼多，食日本野，你整鬼我咩！忽然醒起之前食過大圍既冬菇亭日本菜，於是帶左老豆去。可樂係樽裝，不能不飲，黎親一定叫！味噌湯夠熱夠香濃。蟹特盛有超香的松葉蟹膏、蟹肉、蟹籽加蟹柳，啖啖飯都有餸，絕對啱要多餸少飯既我。西冷牛扒有牛味，也滑口，仲好大塊但講到大塊，呢度D刺身真係無得輸。幾靚鮮甜，新鮮三文魚厚過我手掌珍寶赤蝦個頭粗過我手指公。好癲！好似唔駛錢咁。老豆好滿意，下次再來。多謝收看！