影片
更多
2015-11-01
527 瀏覽
晚餐同老婆亞仔留港食私房菜，落船老婆大人話要搵個靜靜坐得舒服嘅地方飲茶食點心。天呀！又靜又食點心，跟本佢就係一心黎呢到食 =.=對上一次黎厚福街已係差唔多 3 年前嘅事，估唔到係呢到所有鋪頭轉哂嘅情況下，呢間點心舖仲屹立不到，果然有點料子。老婆大人話食物水準真係有返咁上下先頂得到（唔知以為間舖佢有份 =.=)由於只係 11點半，唔係繁忙時段，所以即有位坐，跟住就 tick tick tick 點餐紙。雖然老婆大人茹素，但同我出街食嘢都會食少量海鮮（對唔住啊老婆大人~)，但見點心紙有好多款都啱佢食，所以就點咗呢堆：我點嘅：1. 鮮蝦長春卷：上次老婆大人話怕太熱氣冇叫，所以今次叫返 (上次已見有個 「」架喇)。上菜時熱辣辣（真係要小心熱），入面真係有蝦架（廢話）。記得曾响永利食過類似嘅，但好似唔係蝦，仲要咬落去好似炸春卷皮咁。所以真係食到有蝦果種激動法真係好難形容～2. 沙律明蝦角：同蝦有仇 & 今日好想食好多炸物，所以點埋呢個。同長春卷一樣，上菜時勁熱。隻隻餃都質到爆...3. 墨西哥叉燒包：本身以為「墨西哥」係 gimmik，求其比個地方名個叉燒包就算，估唔到真係比墨西哥包我。入面好多
對上一次黎厚福街已係差唔多 3 年前嘅事，估唔到係呢到所有鋪頭轉哂嘅情況下，呢間點心舖仲屹立不到，果然有點料子。老婆大人話食物水準真係有返咁上下先頂得到（唔知以為間舖佢有份 =.=)
由於只係 11點半，唔係繁忙時段，所以即有位坐，跟住就 tick tick tick 點餐紙。雖然老婆大人茹素，但同我出街食嘢都會食少量海鮮（對唔住啊老婆大人~)，但見點心紙有好多款都啱佢食，所以就點咗呢堆：
我點嘅：
1. 鮮蝦長春卷：上次老婆大人話怕太熱氣冇叫，所以今次叫返 (上次已見有個 「」架喇)。上菜時熱辣辣（真係要小心熱），入面真係有蝦架（廢話）。記得曾响永利食過類似嘅，但好似唔係蝦，仲要咬落去好似炸春卷皮咁。所以真係食到有蝦果種激動法真係好難形容～
2. 沙律明蝦角：同蝦有仇 & 今日好想食好多炸物，所以點埋呢個。同長春卷一樣，上菜時勁熱。隻隻餃都質到爆...
3. 墨西哥叉燒包：本身以為「墨西哥」係 gimmik，求其比個地方名個叉燒包就算，估唔到真係比墨西哥包我。入面好多叉燒（記住，入面又係勁熱），其中一個我撩咗 d 叉燒出黎食後比個皮老婆大人食，佢都話個墨西哥包好好食，好軟味道好好，仲發傻話不如問吓會唔會只有墨西哥包賣，打包一打半打拎返澳門食 (親....好食都唔駛叫人特登整比你嘛....
老婆大人點咗：
4. 涼伴雲耳：其實我地唔知會係辣嘅，但好彩唔係好麻辣，因為老婆大人好憎食麻辣，如果唔係我要一個哽哂佢。亦因為主要真係「麻」而唔係「麻辣」，所以我同老婆話超好食，雲耳仔好爽啊～～
5. 布拉腸粉：即齋腸，但又有少少蒽花果 d。上次食過腸粉，跟本搵唔返有咁滑嘅腸粉。我懷疑老婆大人佢話黎嘅其中一個目的係為腸粉。呢間腸粉仍然好滑好好味。上次食有料嘅食唔出腸粉嘅米香，但今次真係食得出米香喇。因為太好食，追加咗一碟...
6. 海鮮球：冇期望係咩，老婆大人話少少海鮮 ok 啦。但....嗯....食完我都唔知呢幾粒除咗有章魚粒外有咩成份。感覺上似打邊爐果 d 丸...
埋單緊緊唔駛 $200，兩個人飲茶加上唔駛等黎計，真係好鬼抵。响呢到飲茶食點心，平民價錢，但感覺上好似高貴咗咁，唔怪得老婆大人話要黎啦~
***好少一間食肆寫兩次食評，唔係老婆大人事後話怕少人知冇咩人黎，下次黎間點心舖會被消失，所以迫我一定要寫多一次呢間食評，好唔好都起碼有人知喎。睇黎佢真係好鐘意呢間點心舖***
題外話/補充資料：
唔知係咪因為服務員真係好比私人空間我地，佢地唔 yap 手都唔會過黎。就算食完嘢都冇人黎收，只會咁啱送食物比隔離枱時見到食完先收。好嘅就真係完全冇人騷擾你邊食邊被昅，唔好嘅係叫人黎收嘢 or 再 order 時有點唔好意思
(以上食評乃用戶個人意見 , 並不代表OpenRice之觀點。)
張貼