鋿晶館

營業中

休息中

今晚難得同長輩喺中上環食中菜，呢一帶都有好幾間叮噹馬頭嘅中菜館，今晚我哋就揀咗鋿晶館。一坐低就有個湯飲吓先，我哋叫咗個龍蝦湯海皇羹，湯好足料又鮮美，唔錯👍🏻而且好夠熱，咕嚕咁飲落肚仔好舒服呢間餐廳所有嘢都係自家製，聽聞個師傅仲好出名，以前服侍高明星高官～ 第一道菜燒鵝就好有驚喜，啲鵝油超香，襯飯食一流。第二道菜香芒大蝦球，加入芒果汁嘅香令到下個鮮味更加出，而且蝦肉都好彈牙！第三道菜欖角骨，香得來又好Juicy，又係送飯恩物食咁多肉都要叫返個菜中和下，夥計就推介我哋叫咗個豬膶浸莧菜，睇menu好似唔見有，所以有時問夥計就最熟，一定推介到餐廳最好味嘅嘢俾你👍🏻Overall我覺得都好唔錯，尤其是係如果同長輩食飯嘅話就一定要帶佢哋嚟呢度，相信佢哋都會好受落，我同行既長輩都好鍾意個環境同食得開心。