米珈琲

營業中

休息中

今日同太太兩個人去西貢諗住飲咖啡chill吓，見到呢一間咖啡室諗住試吓，一開門就比個老闆趕出門口叫我睇清楚門口嘅指示先好再入去，以為有乜嘢咁巴閉，原來係差不多20條嘅規定，包括唔准去吧枱落單，唔准用電話，唔准開會，唔准呢樣唔准個樣，咁諗住飲杯咖啡都係一陣唔緊要啦（其實事後都覺得自己攞嚟衰），咁就入去試吓，點知係等緊咖啡嚟嘅時候太太只係攞個電話出嚟睇吓時間，喺度沖緊咖啡嘅老闆即刻叫我地閂機。嚇鬼死，以為去咗軍訓。之後佢送咖啡過嚟我同佢講唔好意思，佢話等緊同飲緊嘅時候唔可以用電話！我個心諗，你嗰杯係聖水咩，使唔使用咁潔淨嘅心情去等啊，其實隔離嗰台嘅人都有用電話，但唔知點解係要針對我哋。算！飲完兩杯咖啡即刻走人！雖然咖啡都算OK，但係過百蚊一杯仲要係啲咁嘅九流零素質服務，相信絕對有其他性價比高嘅好選擇。