十六座車仔麵 (已結業)

今日諗唔到食咩就入左呢間裝修得幾靚嘅車仔麵鋪，店內員工服務都算係幾好。一d普遍嘅餸呢到都基本上有齊，仲有好多新派嘅款式，連麵都有好多揀，最後我揀左蝴蝶腩、鴨腎、牛舌、莞茜麵加腩汁，再加杯豆漿，然後等左大約5分鐘先有，麵店嘅講算慢。 先講湯底偏淡味，而加錢轉嘅莞茜麵得好輕微嘅莞茜味，同平時d粗麵分別唔大，牛舌夠淋都幾好食，鴨腎就一般但差咁d滷味，而呢個蝴蝶腩最令人激氣，好似冇點炆過咁，又唔淋又唔爽唔知想點，食完之後成個碗邊都係吐翻出黎咬唔開嘅渣，埋單57蚊，覺得呢間車仔麵店賣點新派，但以性價比黎講，同行有其他更加多好食嘅選擇。