Paper Moon

營業中

休息中

講明係嚟自米蘭人氣菜館的Paper Moon, suppose質素係有我去意大利正宗餐館的質數，佢夠膽開喺租金超高的海港城，我估佢對自己好有信心啦，可惜我係幾失望首先叫左杯mocktail，名叫waterberry，有西瓜同雜莓同另外啲成份，我估佢應該會好清涼好好飲，顏色佢都好IGABLE同鮮艷，點知一飲落去係好酸，成件事好唔MATCH，飲唔到西瓜清甜味，只飲到酸莓味，68蚊好唔值。主菜seafood risotto有青口、帶子同鮮蝦，用蕃茄醬同cream整個醬汁。整體來講係好食，但分量太小，粒青口好普通，好彩帶子同蝦係新鮮，不過如果去第間平少少意大利餐廳食，都一樣食到同樣水準。Tiramisu係失望之作，冇正宗咖啡酒的惹味，食到好少咖啡味，但整體都超甜。講真成舊水咁多，去COVA都食到2件，但人地都係嚟自米蘭，食到正宗味道。