影片
更多
2010-12-05
146 瀏覽
9月30日, 喺沙田行咗一輪, 夜晚再選擇食馳名雞粥~ 講起沙田, 最出名嘅雞粥真係無人不識, 但係點解咁出名, 就未必人人都知~ 就好似我地咁, 都係第一次慕名而來, 喺搜尋之下, 都有幾多間食店以沙田雞粥為招來, 咁我地就揀咗嚟大圍嘅強記~::: 鮑魚雞粥 ::: $30招牌雞粥配上鮑片, 看上去平平無奇, 白晒晒嘅粥, 雞肉同埋鮑片都好似好清好淡… 不過, 食一口粥就發覺金玉其中! 綿綿粥底嘅鮮甜味好天然, 完全唔似有落味精, 再加上少少鮑魚片吊下味, 令味道更加突出! 雖然鮑魚係罐頭鮑, 但係食落好似有醃過, 有d味~ 反而雞有味但係肉地比較嚡口, 舊舊都係雞胸肉, 俾雞背肉就會好d~ ::: 紅燒乳鴿 ::: $45除咗雞粥外, 我地都好想食乳鴿, 紅燒比滷水好係因為食得到佢燒出嚟嘅香脆, 更加香口~ 呢度嘅乳鴿比較大隻, 以致肉質比較實, 亦比較韌… 燒出嚟亦唔算好香, 可能一早燒咗叫先番一番熱… 我地都係鍾意食bb鴿多d, 不過$45有咁大隻都ok嘅, 總括只係麻麻地…::: 啫啫田雞煲 ::: $65另外叫咗個煲仔菜, 驚喜地呢個啫啫田雞煲好好味! 啫啫煲一上枱仲有’啫
::: 鮑魚雞粥 ::: $30
招牌雞粥配上鮑片, 看上去平平無奇, 白晒晒嘅粥, 雞肉同埋鮑片都好似好清好淡… 不過, 食一口粥就發覺金玉其中! 綿綿粥底嘅鮮甜味好天然, 完全唔似有落味精, 再加上少少鮑魚片吊下味, 令味道更加突出! 雖然鮑魚係罐頭鮑, 但係食落好似有醃過, 有d味~ 反而雞有味但係肉地比較嚡口, 舊舊都係雞胸肉, 俾雞背肉就會好d~
::: 紅燒乳鴿 ::: $45
除咗雞粥外, 我地都好想食乳鴿, 紅燒比滷水好係因為食得到佢燒出嚟嘅香脆, 更加香口~ 呢度嘅乳鴿比較大隻, 以致肉質比較實, 亦比較韌… 燒出嚟亦唔算好香, 可能一早燒咗叫先番一番熱… 我地都係鍾意食bb鴿多d, 不過$45有咁大隻都ok嘅, 總括只係麻麻地…
::: 啫啫田雞煲 ::: $65
另外叫咗個煲仔菜, 驚喜地呢個啫啫田雞煲好好味! 啫啫煲一上枱仲有’啫啫’咁聲, 香氣撲鼻! 食落熱辣辣, 材料夠大堆頭亦好新鮮, 除咗有田雞之外, 仲有豬潤同乾蔥~ 田雞份量好多, 咬落都幾爽口入味, 唔錯唔錯! 而更有驚喜嘅係豬潤~! 真係十分新鮮, 配上獻汁更加爽口味道更濃郁! 好怕一d茶餐廳嘅啫啫煲用上霉嘅豬潤, 又淋又有腥味… 可能呢度平時有賣開豬潤粥, 所以佢地嘅豬潤流量大d, 會新鮮d~ 推介!
食完沙田雞粥感覺係滿足, 如果仲有番d以前大排檔feel會仲好添~ 睇到有咁多間沙田雞粥, 下次都可以再試下第二間~
張貼
