中國會

營業中

休息中

由於公私兩忙，再加上疫情，出外食飯時間相對減少，所以，同得朋友出嚟食飯都會嚴選餐廳。最近，朋友老公成為中國會會員，知我鍾意美食，特別約我喺度食飯。其實，之前都去個中國會數次，都係私人聚會飲嘢，覺得佢哋嘅食物同服務唔錯，環境好特別，似一間小型博物館，四處擺放了藝術品作佈置。今次卻是第一次正正式式嚟依度食飯。😻😋我覺得要試一間中餐廳嘅水準，一籠蝦餃必不可少，蝦餃大小適中，餃皮薄薄，蝦肉鮮甜，爽口彈牙😋我和朋友均喜歡蟹粉釀蟹蓋這道菜，每人點了一個試試，真的不錯，蟹肉釀得飽滿，蟹肉鮮嫩甜美，惟一不足，是蟹蓋小了一點，還有，蟹粉份量不足。天氣小涼，我們點了臘味糯米飯，非常美味。應該是我在香港吃過最好吃的糯米飯。