金子半之助 (利東街)

營業中

休息中

放工後約咗朋友睇燈籠裝飾，順便在灣仔利東街搵嘢食。揀咗間日本天婦羅專門店，午市常常排長龍，今晚第一次幫襯。無論門口同店內裝修都好有日式風格，大大幅櫻花壁畫在門口迎接客人，而廚房就在近門口位置，企理衛生，見着丼飯即叫即整往往來來，未食先興奮。在Menu上簡介了店舖的歷史和用料，原來十分講究，唔怪得成日排長龍。我留意到丼碗花紋好靚兼且做工精緻，原來運用了源自江戶時代的陶瓷工藝佐賀有田燒來製作，碗底部份特意做成空心設計，為更能保持碗中食物的溫度，由外觀到實用性，好有江戶前風味。車海老軟殼蟹天丼除咗主要的車海老、軟殼蟹外，還有小柱魷魚天婦羅餅、莢豌豆、海苔同溫泉蛋半隻，跟噌湯和漬物。軟殼蟹係期間限定，不得不試，果然十分肥美，啖啖肉，醃得好入味。車海老有兩條，好鮮味同好厚身，每件天婦羅都能沾上醬汁。所以不像一般天婦羅脆口，而追求的是每件天婦羅都能適量沾有醬汁。古早秘傳醬汁果然名不虛傳，好有風味。上天丼有白新魚、海老、還有小柱魷魚天婦羅餅、莢豌豆、海苔同溫泉蛋半隻。比起軟殼蟹冇咁重味，感覺清淡一點，不過同樣大大滿足。不得不提杯黑豆茶，我第一次飲，有少少解油膩的感覺。