銓滿記餐廳小廚 (已結業)

天氣寒冷當然要食煲仔飯羊腩煲臘味糯米飯同埋蛇羹，今晚決定投煲仔飯一票。油麻地落地鐵諗住去廟街食，點知4檔煲仔飯都超長龍，於是諗住行落旺角，沿途邊度有就邊度食，結果竟然要行到朗豪坊先有，不過好彩呢一間係好食嘅。煲仔飯竟然有套餐，叫咗潤腸黃鱔煲仔飯，包一個小盅上嘅例湯，再跟一碟菜。個例湯都幾正，好足料。潤腸黃鱔煲仔飯嘅黃鱔好大舊，潤腸都好好，有潤腸應有嘅香味，而且唔會太肥，個煲仔飯勉強有少少飯焦，如果可以多啲會更正。