京林屋 (已結業)

成日都有人話九龍站無野好食。我就唔係咁諗，只要識搵......一定搵到好野食。話說今日放假同兩個姨生仔係Element睇完戲食tea，就帶咗佢地咗黎來自日本的傳統老字號-京林屋。見到咁多甜品、小朋友一入門口到去就好興奮。大家揀好食咩就可以排隊落單比錢，然後坐定定等食。🔸林屋特製班戟即叫即製而且份量十足嘅班戟入口鬆化，加上白滑的抹茶及vanilla雪糕、紅豆茸同埋湯圓，口感豐富。🔸牛乳紅白肉脆米雪糕牛乳味好香濃，而雪糕香滑， 連埋肉脆米食口感更加一絕，姨生仔們食得好滋味。🔸抹茶芝士蛋糕抹茶同芝士配合得非常出色，芝士味幾濃厚但又不會覺得太heavy。值得試試！🔸秘製抹茶蕨餅蕨餅灑上抹茶粉同沾上黑糖，除咗咬口煙煙韌韌， 重要係可以嚐到濃濃的抹茶味！正！🔸焙茶紅豆白玉特飲好多人都為抹茶而黎食，但其實京林屋嘅焙茶都好正。焙茶較抹茶的味道清，加上特飲上面軟滑細緻的忌廉，感覺好清新。