渝味曉宇重慶老火鍋 (QRE Plaza) (已結業)

身邊好多同事, 朋友都好鍾意食麻辣火鍋, 講起最近邊間麻辣火鍋店最出色, 佢地都一致推崇渝味曉宇, 不過因為老婆唔太食得辣, 所以我地一直都未有去食過。今日係表弟生日, 我同老婆約左佢地灣仔新居附近開餐, 表弟提議去QRE嘅渝味曉宇分店食, 老婆竟然讚成, 我地就約定收工係灣仔站集合一齊上去涮涮。😙我地6點半已經到齊灣仔站, 表弟帶我地行喜帖街嘅新地鐵站出口, 好快就去到QRE, 上到餐廳時, 由於時間尚早, 客人仲未多, 不過7點之後就開始多人。餐廳裝修以木色為主, 有少少日式餐廳風格, 座位好寬敞, 而且樓底比較高, 感覺好舒適。👍雖然渝味曉宇呢度最出名係麻辣九宮格火鍋湯底, 不過由於老婆唔太食得辣, 我地揀左另一款有辣有唔辣嘅鴛鴦鍋, 其他食物就由表弟呢個壽星仔揀。我地一坐底店員已經端上每位一客嘅糖水, 原來食重慶火鍋係先會食糖水滋潤一下, 雪耳糖水唔會太甜, 幾清潤。大骨滋補鴛鴦鍋 $38位鴛鴦鍋分成兩部份, 內圈的白湯由新鮮大骨同多種藥材熬製, 鮮味濃郁, 老婆同我都係打邊爐前先喝一大碗。外圍辣湯由牛脂肪同好多辣椒熬成, 從表面嘅紅油已經感覺到果個辣度。另外呢度食麻辣火鍋可以