Master Kama (已結業)

早前我的同事話我知呢排有間龍蝦主題餐廳好正同埋價錢合理， 我在銅鑼灣附近翻工，由於lunch太趕所以我選擇收工後前來一試呢間龍蝦餐廳。 我7點半左右去到，已經要等位啦，果然名不虛傳。 好彩我係自己一個人收工來試，所以等左10分鐘好快就安排我入座。 （ps. 門口有張好大嘅龍蝦貼紙墻好靚，建議女士們可以上來影張靚相！！） 餐廳主要以簡約為主題，給我的感覺很溫馨，不像是吃龍蝦這種高檔食物嘅地方。 今次我除左龍蝦之外仲想試試海膽飯，因為我同事極力推薦，可惜店員話當天的海膽賣嗮建議下次book台預留海膽。甘好啦，我就嗌左龍蝦包同埋龍蝦玉子燒試。 個龍蝦包唔錯，龍蝦肉面頭一層，入面仲有一層！！！仲有個大鉗肉，成個包無論汁同龍蝦肉我都幾滿意，之後個包仲會跟薯條同沙律菜， 個薯條我覺得無咩特別，沙律菜幾新鮮帶小小酸，好開胃 之後個玉子燒我第一眼就見到印有黑色logo，幾特別。食落去都好有蛋香，味道偏甜，切落去仲有小小蛋汁流出黎，唯一可惜的是龍蝦肉不算太多，不過呢個價錢都算係甘。 當我一個人食完覺得不算飽。建議如果同朋友兩個人來，加多個主食會好D。