科記咖啡餐室

營業中

休息中

地鐵站出黎，行完一條又一條小斜路，終於黎到科記豬扒飯。聽聞老闆娘年紀已經唔細，仲親力親為。1點黎到，門口唔算太多人排隊，多數外賣。老店黎講，店舖坐位唔算背貼背果種。黎到食豬扒飯係必須嫁，睇你簡菜遠、芽菜、洋蔥定金牌豬扒飯。我地今日叫左2碟菜遠豬扒飯同一碟金牌豬扒飯，每碟加一隻蛋。所謂菜遠，係菜心鋪滿成碟飯嘅面，超正，勁有誠意。蛋都煎得唔錯。重點係豬扒，豬扒夠入味，唔會鞋口。而豬扒飯個鼓油汁唔會係甜甜地果隻，我幾鐘意喎。香港依類老店愈黎愈少，食完埋單連2杯野飲，一共$230左右。好味得黎，仲係食個情懷。開心！