影片
更多
2012-08-31
2207 瀏覽
久仰由謝寧開設的「曲奇四重奏」嘅大名, 可惜平時冇咩機會去九龍城, 所以一直冇機會品嚐...今日約咗識途老馬去九龍城附近探B, KeKe... 仲唔捉住佢帶路咩?!!店內陳設簡潔而優雅, 寬敞而舒適...一步入店內, 店員好熱情咁叫我地試食蝴蝶酥, 唔係剪到碎晒咁試, 而係比半塊你試!!! 嘩!!! 好大方呀!!! 攪到我鬼咁唔好意思, 話唔使咁大塊... 但係店員依然熱情地叫你試食半塊...試食完蝴蝶酥, 我就叫朋友介紹吓有咩曲奇好食, 另一個店員即時熱情地叫我地試食曲奇...呢個就係試味CORNER, 有十款曲奇以上可以試食... 每一種味道係比半塊你試, 試多幾隻味真係晚飯都唔使食, 飽晒... 我食咗2-3隻味已經覺得好尷尬, 好似好貪心咁, 但係熱情嘅店員依然好落力咁叫你試試試試... 最後好似試咗6隻味以上...店員建議首先試口感... 曲奇供應多款口感, 由最鬆化開始試, 逐層逐層上, 最後試到最脆口, 緊有一款啱你口味... 我以前冇為意自己鐘意咩口感, 今日一試, 先知自己原來唔鐘意太脆口(硬咗D), 又唔鐘意太鬆化(淋咗D)...試完口感, 然後就試味道... 咖啡
今日約咗識途老馬去九龍城附近探B, KeKe... 仲唔捉住佢帶路咩?!!
店內陳設簡潔而優雅, 寬敞而舒適...
一步入店內, 店員好熱情咁叫我地試食蝴蝶酥, 唔係剪到碎晒咁試, 而係比半塊你試!!! 嘩!!! 好大方呀!!! 攪到我鬼咁唔好意思, 話唔使咁大塊... 但係店員依然熱情地叫你試食半塊...
試食完蝴蝶酥, 我就叫朋友介紹吓有咩曲奇好食, 另一個店員即時熱情地叫我地試食曲奇...
呢個就係試味CORNER, 有十款曲奇以上可以試食... 每一種味道係比半塊你試, 試多幾隻味真係晚飯都唔使食, 飽晒... 我食咗2-3隻味已經覺得好尷尬, 好似好貪心咁, 但係熱情嘅店員依然好落力咁叫你試試試試... 最後好似試咗6隻味以上...
店員建議首先試口感... 曲奇供應多款口感, 由最鬆化開始試, 逐層逐層上, 最後試到最脆口, 緊有一款啱你口味... 我以前冇為意自己鐘意咩口感, 今日一試, 先知自己原來唔鐘意太脆口(硬咗D), 又唔鐘意太鬆化(淋咗D)...試完口感, 然後就試味道... 咖啡味好香濃... 開心果味好特別... 藍梅味有點... 果仁味都唔錯... 牛油味好香濃... 好似仲有試其他味, 不過試咗太多, 已經記唔到咁多...
最後我買咗蝴蝶酥, 咖啡味曲奇, 同開心果曲奇!!! 呵呵呵呵... (黃毛仔買咗十包以上, 我地勁似自由行落o黎香港搶奶粉)
今次又冇睇清楚價錢就亂買o野... 以為全部都係$48... 而家寫BLOG睇番張單... 嘩... 原來開心果曲奇要$70, 咖啡曲奇要$62... 好貴呀!!! 不過真係好好好味呀!!! 個包裝仲好吸引!!!
蝴蝶酥--酥, 脆, 鬆, 化... 果然名不虛傳!!! 連食幾包都絕對冇問題!!!
咖啡味曲奇-- 咖啡味好香濃... 濃到... 我醉啦!!!
開心果曲奇--美味嘅開心果碎+朱古力碎配上鬆脆曲奇, 簡直係完美呀!!!
店員話用密實盒可以保存30日... 乜... 佢地可以生存到咁耐咩響我屋企... 唔使三兩下手腳就比我同HONEY塞晒入肚啦, 嘩咔咔咔...張貼
