川之味麻辣米線 (已結業)

豬軟骨米線四小辣$40豬軟骨算大舊，超級無敵腍我知豬軟骨有2派，1派係保留軟骨要咬口，1派係要好腍。川之味係後者，佢腍的程度係中間D軟骨好似啫喱咁，睇下我其中一張相你就知!呢度辣度同譚仔/三哥係調返轉，所以大家要小心啊。平時我喺譚仔/三哥係可以食到2-3小辣，但今日簡直係越級挑戰，叫咗四小辣，但真係太辣了，忍唔住一罐可樂飲。咁大家有個預算啦～唔好太辣咩都試唔到! 呢度D 姐姐真你好有禮貌，以米線店黎講，呢度服務係超晒班!當日仲叫左麻辣雞翼但相比下，碗米線出色好多！