Ocio (煙廠街) (已結業)

今晚,阿妹話想兩姊妹一齊去食ocio，佢話想食熔岩芝士豬肋骨意大利飯。去到餐廳出面等左5分鐘，侍應就叫我地入去。牆身有好有特式的裝飾品同畫；自然覺得間餐廳老闆好有藝術氣息。侍應好主動俾個餐牌我地：結果我地主菜叫左熔岩芝士豬肋骨飯、黑松露雜菌扁意粉，湯就叫左忌廉蘑菇湯；而甜品就叫左士多啤雪糕和抹茶雪糕。先講個湯，上面白色的忌廉，然後溝混佢；湯很好多菇，而且係蘑菇粒(相信手切) ；感覺好滿足，湯比較杰身；證明足料的選。飲落去好重菇味，而且好CREAMY。旁邊有塊麵包，個麵包唔係白麵包而係甘筍包，甘筍包好軟，軟到好似新鮮焗的蛋糕一樣。然後我就講下主菜：先講下熔岩芝士豬肋骨飯，；用煎PAN上呢個意大利飯，所以好熱，咁當然一定剛煮好先有呢個層次啦。芝士汁真係好似熔岩咁：遠處都聞到芝士味，豬肋骨用左bbq醬醃。肉質好淋而且肉汁仍然保留，到豬肋骨同醬汁夾埋，食落去酸酸甜甜。芝士汁好濃，食落去好重車打芝士味：小小咸，芝士味好濃郁。而飯的質感比較圓身，唔太硬亦唔太淋。黑松露雜菌扁意粉，有筍、紅椒、洋蔥、蘑菇等等……而主角黑松露滲透全碟的每一角落，臨食的時侯聞到好香的黑松露味；荀和紅椒食落去的時候很爽口，