粗菜館

營業中

休息中

老火例湯熱辣辣滾住咁上枱，熬煮4小時嘅足料老火湯，真係超足料！今日係蓮藕章魚排骨湯，除左有蓮藕、章魚、排骨之外，仲有羅漢果同埋陳皮，味道香濃勁鮮甜，好正！招牌炒魚腩好有鑊氣，薑蔥炒魚腩，超香口！金黃酥脆嘅魚腩皮好香脆，但魚肉就好鮮嫩多汁，仍保持到肉汁，再完全無腥味，好惹味！山楂醬排骨份量好足夠！排骨外層醬汁香濃，外脆內軟，配埋山楂汁醬帶點微酸，酸甜味好味又開胃秘製煀乳鴿好考心機嘅小菜，因為係用煀鮑魚嘅秘製汁煀乳鴿，食落口嘅乳鴿味道好香濃！肉質都好幼嫩多汁，好juicy豬油撈飯，每一啖飯都香味四溢！餐廳舒適，上菜速度快，食物都有鑊氣！餐廳店員服務態度好友善，抵讚