快靚正燒味粉麵茶餐廳 (已結業)

今日阿媽話唔想煮太多，叫我斬啲料返屋企加送，咁香港人第一時間就梗係諗起叉燒啦，於是我放工就那那林趕去斬料啦見佢寫住快靚正，完全符合晒香港人嘅要求，而且睇到佢櫥窗啲雞又黃又大隻，咁就梗係要試吓啦。呢隻燒鴨返到屋企仲係熱㗎，而且皮脆肉滑，肉質厚實又唔會好肥膩，而且價錢有經濟實惠，絕對係抵食燒肉用正腩肉位，肥瘦適中，啲皮依然好爽脆，肉質彈牙，啖啖肉連阿媽都問我去邊度買到啲咁靚嘅燒腩仔返嚟。叉燒蜜味好重，而且用嘅係梅頭肉，肉質厚實肥瘦適中，食落淋身又香甜，用你送飯真係一流呀⋯⋯乳豬嘅皮鬆化無比，食落脆卜卜，又唔會好肥最緊要係唔會有豬嘅蘇味，，呢間快靚正真係食過返尋味，連阿媽都話平時唔識買餸嘅我今次果然無揀錯。