皇玥

營業中

休息中

大佬一句話今年想食奶皇月餅，我就搜索邊間今年大熱。發現好多媒體都推介皇玥，仲主打「100%香港製造」。咁我就上星期去旺角門市睇睇。去到大排長龍，原來個個都係嚟攞月餅，而買月餅卷就唔洗排隊，況且都仲有大半個月先中秋，咁嗱嗱臨買咗一盒6個迷你流心奶黃月餅嘅月餅卷就離開。日前大佬話想攞月餅食，咁尋日(星期三)再去旺角門市攞月餅，條人龍比上次更誇張，當時大概6:00已經有成30人左右排緊隊，需時15分鐘先輪到我，職員會喺你面前開盒確認，非常貼心。當日晚飯過後嘅甜品就開咗一個迷你流心奶黃月餅嚟嚐嚐。包裝盒都幾靚同豪華，分開兩層，每層3個，每個都係獨立包裝。其實自用的話我就覺得個包裝好嘥。如果有啲既環保又簡約啲嘅包裝選擇就更好。打開個獨立包裝，手感軟棉棉，一刀切開已經見到流心奶黃緩緩流出，一啖食落去即時一股濃郁奶黃及鹹蛋黃香味充斥口腔，奶黃流心口感幼滑而且甘香無比。雖然唔係低糖系列，但係甜度適中，感覺好似健康啲。