影片
更多
2022-09-19
390 瀏覽
上回講到元朗一日遊午餐，今次輪到晚餐！我地揀左omakase，元朗出名嘅omakase主要有三間。經過一輪篩選之後，我哋決定食壽司源。餐廳位置唔算好遠，一出地鐵站行5分鐘左右就到。餐廳環境方面，樓底幾高，燈光十足。餐廳只有吧枱位，呈L形狀。壽司源Omakase有三個價位，我哋揀咗$1080，包括前菜、十四款壽司、手卷、湯同甜品🤑- 前菜前菜一共有三款，分別係溫室蕃茄、無花果天婦羅同抹茶冷麵。溫室蕃茄味道清甜。自己第一次食水果嘅天婦羅，估唔到幾好味，外脆內嫩。至於抹茶冷麵入面加咗山葵，味道更香。食壽司之前師傅提供薑片同漬物，漬物有Wasabi淮山漬同牛蒡漬。- 十四款壽司每一款壽司都好味道，但最深刻嘅壽司有三款，包括牡丹蝦、沙甸魚同拖羅👍🏻北海道帆立貝：厚切帆立貝味道鮮甜，加左少少岩鹽調味。沙錐魚：Kisu上面擺放紫蘇花，而且淋上少少酸汁，肉質比較結實，味道獨特。竹籤魚：外皮燒到好香，帶有少少焦香味，肉質幾鬆軟。北海道北寄貝：口感非常爽脆，肉質彈牙。北寄貝小柱位：肉質比起上一款北寄貝壽司肥美，味道更加鮮甜，加咗青檸汁有一種清新嘅感覺。深海池魚：每次omakase都會食到，今次都唔例外🤣。
餐廳位置唔算好遠，一出地鐵站行5分鐘左右就到。餐廳環境方面，樓底幾高，燈光十足。餐廳只有吧枱位，呈L形狀。
壽司源Omakase有三個價位，我哋揀咗$1080，包括前菜、十四款壽司、手卷、湯同甜品🤑
- 前菜
前菜一共有三款，分別係溫室蕃茄、無花果天婦羅同抹茶冷麵。溫室蕃茄味道清甜。自己第一次食水果嘅天婦羅，估唔到幾好味，外脆內嫩。至於抹茶冷麵入面加咗山葵，味道更香。
食壽司之前師傅提供薑片同漬物，漬物有Wasabi淮山漬同牛蒡漬。
- 十四款壽司
每一款壽司都好味道，但最深刻嘅壽司有三款，包括牡丹蝦、沙甸魚同拖羅👍🏻
北海道帆立貝：厚切帆立貝味道鮮甜，加左少少岩鹽調味。
沙錐魚：Kisu上面擺放紫蘇花，而且淋上少少酸汁，肉質比較結實，味道獨特。
竹籤魚：外皮燒到好香，帶有少少焦香味，肉質幾鬆軟。
北海道北寄貝：口感非常爽脆，肉質彈牙。
北寄貝小柱位：肉質比起上一款北寄貝壽司肥美，味道更加鮮甜，加咗青檸汁有一種清新嘅感覺。
深海池魚：每次omakase都會食到，今次都唔例外🤣。味道鮮甜，炙燒過魚油更香。
池魚：肉質爽口，食落無筋，加左黃薑同九州蔥令味道更豐富
伊左目：師傅炙燒燒香魚皮，油脂豐富，而且有一陣煙熏味。壽司上面放上辣椒蘿蔔蓉。
牡丹蝦：口感綿滑，味道甜美。上面再放上炙燒過嘅蟹膏，呢個配搭非常新穎，蝦味非常香濃😋
中拖羅：壽司上面放咗三片拖羅，回甘味好重，入口即化，成個口都係油脂😍
鯖魚：同拖羅一樣有三片，上面仲加左昆布。
沙甸魚：肉質較為結實爽甜，亦有一定油香。另外加咗少少薑蓉作點綴。
北海道海膽：一個字：creamy！
食完十四件壽司之後，仲有吞拿魚蓉手卷、湯、三色丸子同黃桃，真係非常豐富，為今次元朗一日遊畫上完美嘅句號🥰
張貼
