蘇媽.蘇媽馬來西亞茶餐室 (已結業)

今日因工作關係要在深水埗吃午飯，於是便去試一試蘇媽這間享負盛名的馬來西亞餐廳。我到的時間是12:55，但門口已經有很多人在排隊，不過因為我得一個人，所以等左6-7分鐘就有位。我叫左檳城咖喱雞肉老鼠粉同凍檳城白咖啡，之後同同一枱的一位客人夾份叫左個椰香咖央多士。平心而論，個老鼠粉雖然咖哩唔算好入味，但都相當惹味，而啲薯仔非常入咖哩味，稱得上係成道菜的精華。老鼠粉的口感亦十分煙韌，係值得一試的。不過相信雞肉係用左雞胸，所以完全唔滑。至於個多士就幾特別，不過其實主要係咖央多士少地方有，依度唔係俾其他地方好食。總括來講，蘇媽係唔錯的，但你話去到要排隊的級數我又覺得未至於。