圍威喂 (荃灣廣場) (已結業)

太耐冇同媽咪行荃灣廣場一田了， 係一田掃完一袋二袋後想食晚餐再回家， 拎住咁多野唔想周圍溫，近近地係四樓食算，原來呢到開左間新餐廳叫 “圍威喂”個名又幾得意喎就入去座低食。⚛ 沙嗲串燒半打 （雞豬各3串）～ 串燒燒得剛好，唔會燶哂， 雞肉沾上沙嗲味道夠香濃仲有粒粒碎。⚛ 扎扎跳蝦餅 ～ 4粒圓碌碌的即炸蝦餅，咬落超彈牙。⚛ 飛天炒通菜 ～ 嘩呢到的飛天通菜味道好滋味。⚛ 手工薄餅 ～ 薄餅夠哂香脆。⚛ 泰色椰子雞湯 ～ 我和媽媽都覺得好味， 因入面係用左海南雞，食落雞肉都超滑溜。⚛ 泰色蟹肉炒飯 ～ 炒飯夠鑊氣，但如果蟹肉多返d 就非常好。🍹 芒果椰奶沙冰 ～ 用左好多新鮮芒果去打，所以飲落好鮮甜和幼滑。🍹 創意珍多冰 ～ 媽咪話口感一流食完濃味的一餐，飲返杯清清油膩感。