打邊爐海鮮火鍋燒烤店 (已結業)

好耐無打邊爐啦！襯天氣仲未熱得哂, 梗係要打返餐好既！因為我地行十人, 所以嗌左一條魚同一個足絲雞湯底鍋補補佢！店員話佢地係用新鮮既石班去做烤魚，所以價格比其他地方貴少少，但我覺得都抵食既，因為魚好大條, 好新鮮, 我自己就食唔到咩泥味既亦唔覺得腥。魚係先煎過外皮，再慢慢炆熟，配料有芫荽，菇菌，唔同既辣椒，大豆牙，唐茜芹。出奇既係佢竟然唔係好辣, 只係酸酸地仲有啲甜味！魚肉嫩滑，魚骨又唔多，驚食到魚骨既朋友仔可以放心去食魚肉。至於個烏雞湯, 勁多花膠，都算大隻！個湯好入味，未開始打邊爐就已經飲哂啲湯咁濟XD！隻烏雞比較細但啲肉都幾滑！唔錯！配料方面，個人認為牛肉好出色，一間好食既火鍋牛好唔好食真係會影嚮下次會唔會再黎食，而佢呢個牛最正既就係做到脂肪比例分佈得好好，食落有牛肉，好正！其他配菜就同坊間差不多，另外祁叫左蟶子同蜆，都好新鮮，如果唔係點對得住"海鮮"火鍋呢個朵啊！