雲南小鍋米線 (已結業)

今晚OT 到10點，收工之後非常肚餓，就去深水埗呢個美食天堂到醫肚。來到深水埗，本身諗住食返名店文記車仔麵，點知佢本舖裝修緊!!!!!晴天霹靂。再睇睇佢隔離2間新舖，門外排左十幾人。。唔知等到幾時先有得食，唯有放棄。附近幾間我食開的店，都已經打羊。見到文記隔離的雲南小鍋無咩人，唔使排隊，米線又係我杯茶，就係度醫肚啦。極速叫左個豬耳雞絲腩肉小鍋米線小辣多酸，超餓的緣故叫多個鹵水牛腱。多謝阿姐唔使10分鐘就拎黎俾我救我一命。鹵水豬耳爽口入味，不過就切得超短小幼細，有啲碎，有小許影響了口感。腩肉肥瘦適中，厚薄相宜，肉質軟淋幼滑，不錯。米線軟硬程度適中，湯底叫左多酸真係有番應有的酸度。鹵水牛腱太鹹，點左側邊的酸醋仍然掩蓋不了佢的鹹勁。食飽飽，返去沖涼個靚涼瞓覺，明天再戰。